ఇటీవ‌ల కాలంలో ఏటీఎంల వాడ‌కం ఎక్కువ అయిపోయింది. బ్యాంకుల చుట్టూ తిర‌గ‌కుండా ఏటీఎంలో డబ్బులు తీసుకోవ‌డం ఎంతో సులువుగా మారింది. ఇదిలా ఉంటే.. వెయ్యి రూపాయలు తియ్యాలనుకుంటే ఆ ఏటీఎం మిషన్ పది వేల రూపాయలు ఇస్తుంది. అదే పనిగా పదిసార్లు వెయ్యి రూపాయల చోప్పున తీసుంకుంటే ఇగ మీ పంట పండినట్టే. ఇలా కొట్టిన దాని కంటే ఎక్కువ పైసలు వస్తే జనాలు ఊరుకుంటారా? ఆ మిషన్ కాడికి నిలబడి లైన్లు కట్టరా?. వరంగల్ అర్బన్ జిల్లా కమలాపూర్ లో ఈ ఘటన జరిగింది. కమలాపూర్ బస్టాండ్ దగ్గర ఈ మధ్యన కొత్తగా పెట్టిన ఇండియన్ వన్ ఎటిఎం మిషన్ లో నుంచి పైసలు తీసుకునేందుకు పోయిన వారికి పండగే పండగ.
వెయ్యి రూపాయలుతీయాలనుకున్న వాళ్లకు ఆరు వేల నుంచి పదివేల వరకు వచ్చాయి. ఈ ముచ్చట ఆ నోటా ఈ నోటా పడడంతో ఖాళీ అయ్యేదాకా లైన్ లో ఎగబడి మరి ప్రజలు డబ్బులు తీసుకున్నారు. ఈ విష‌యం పోలీసులకు తెలిసి అక్కడికి వచ్చేసరికి డబ్బులు తీసుకున్నవారు అక్కడ ఎవరు లేకుండా పోయారు. ఆ ఏటీఎం మిషిన్ చూసి అధికారులు రిపేరు చేసేవాళ్ళు అక్కడికి వచ్చి మిషన్ విప్పి డబ్బులు చూసుకున్నారు. కానీ అప్ప‌టికే మొత్తం డ‌బ్బు ఖాళీ అయిపోయింద‌ట. సాంకేతికంగా సమస్య రావడం తోనే ఇలా జరిగిందని ఏటీఎం అధికారులు అంటున్నారు.
