కామన్ వెల్త్ గేమ్స్ లో ఈసారి ప్రవేశపెట్టిన మహిళల t20 క్రికెట్ లో టీమిండియా జట్టు రజత పతకంతో సరిపెట్టుకుంది. ఆదివారం జరిగిన ఫైనల్ లో హార్మన్ ప్రీత్ కౌర్ బృందం 9 పరుగులు తేడాతో ఆస్ట్రేలియా చేతిలో ఓడిపోయింది. ముందుగా ఆస్ట్రేలియా 20 ఓవర్లో 8 వికెట్ల నష్టానికి 161 పరుగులు చేసింది.
ఓపెనర్‌ బెత్‌ మూనీ, మెగ్‌ లానింగ్‌, ఆష్లే గార్డెనెర్‌ రాణించారు. భారత బౌలర్లలో రేణుక సింగ్‌, స్నేహ్‌ రాణా చెరో 2 వికెట్లు తీశారు. అనంతరం భారత మహిళల జట్టు 19.3 ఓవర్లలో 152 పరుగులకే ఆలౌట్‌ అయి.. ఓటమి చవిచూసింది. హర్మన్‌ ప్రీత్ కౌర్ కెప్టెన్‌ ఇన్నింగ్స్‌ ఆడినా ఫలితం లేకపోయింది. దీంతో టీమిండియ రజతంతో సరిపెట్టుకోవాల్సి వచ్చింది.
