ఈ రోజు బ్రిస్టల్ వేదికగా ఇంగ్లాండ్ మరియు ఐర్లాండ్ జట్ల మధ్యన జరుగుతున్న మూడవ వన్ డే లో ఐర్లాండ్ టాస్ గెలిచి ఫీల్డింగ్ ఎంచుకుంది. అనంతరం బ్యాటింగ్ చేపట్టిన ఇంగ్లాండ్ జట్టు ఐర్లాండ్ బౌలర్లను ఒక ఆట ఆడుకుంది. ఎంతలా అంటే … కేవలం ఎనిమిది ఓవర్ లలోనే 100 పరుగులు పూర్తి చేసి బ్యాటింగ్ లో తమ సత్తా ఏమిటో ఇంగ్లాండ్ నిరూపించుకుంది. ఇక ఇంగ్లాండ్ ఇన్నింగ్స్ లో 31 ఓవర్లకు 280 పరుగులు చేసి 4 వికెట్లు కోల్పోయిన దశలో వర్షం పడడంతో మ్యాచ్ ఆగిపోయింది. బెన్ డక్కెట్ (107*) ఓపెనర్ ఫిలిప్ సాల్ట్ (61) మరియు క్రాలీ (51) రాణించారు. ఐర్లాండ్ బౌలర్లలో యంగ్ 3 వికెట్లు తీసి ఆకట్టుకున్నాడు. ఇక ఎంతసేపు చూసినా వర్షం ఆగేలా కనిపించకపోవడంతో మ్యాచ్ ను రద్దు చేస్తూ అంపైరులు నిర్ణయం తీసుకున్నారు.
ఇక ఈ మూడు వన్ డే ల సిరీస్ లో ఇంగ్లాండ్ 1 – 0 తేడాతో సిరీస్ ను గెలుచుకుంది. ఒకవేళ వర్షం ఆగినప్పటికీ ఇంగ్లాండ్ ఐర్లాండ్ ను భారీ తేడాతో ఓడించి ఉండేది.. ఇక వన్ డే లలో అత్యధిక స్కోర్ కూడా బ్రేక్ అయ్యీ ఛాన్సెస్ ఎక్కువగా ఉండేది.
