ట్రెండ్ ఇన్ : బీస్ట్ మూవీ.. విజయ్ సినిమాకు పాన్ ఇండియా వైడ్ క్రేజ్..

స్టార్ హీరోల సినిమాలన్నీ ప్రజెంట్ పాన్ ఇండియా వైడ్ గా రిలీజ్ అవుతున్నాయి. ఇది ఇటీవల కాలంలో వచ్చిన ట్రెండ్ కాగా, దీనిని అందరూ ఫాలో అవుతున్నారు. ‘బాహుబలి’ నుంచి మొదలైన ఈ ట్రెండ్ ఇక కొనసాగుతూ..నే ఉంటుందని చెప్పొచ్చు. కోలీవుడ్ స్టార్ హీరో ఇళయ దళపతి విజయ్ నటించిన ‘బీస్ట్’ మూవీ ట్రైలర్ ఇటీవల విడుదలై అభిమానులకు ఫీస్ట్ ఇచ్చింది.

ఈ నెల 13న చిత్ర విడుదల కానుంది. కాగా, ఈ చిత్రం అన్ని భాషల్లో విడుదల కాబోతున్న నేపథ్యంలో విజయ్ అభిమానులు చిత్రానికి క్రేజ్ ఇంకా పెంచేందుకు #BeastMovie హ్యాష్ ట్యాగ్‌‌ను మైక్రోబ్లాగింగ్ సైట్ ట్విట్టర్ లో ట్రెండ్ చేస్తున్నారు. ఈ ఫిల్మ్ లో విజయ్ స్పై రోల్ ప్లే చేస్తుండగా, ఆయనకు జోడీగా బుట్టబొమ్మ పూజా హెగ్డే నటిస్తోంది. ఇందులో డైరెక్టర్ సెల్వరాఘవన్ నటుడిగా కనిపించి ఆకట్టుకుంటున్నారు.

నెల్సన్ దిలీప్ కుమార్ దర్శకత్వంలో తెరకెక్కిన ఈ చిత్రం యాక్షన్ ప్లస్ కామెడీ ఎంటర్ టైనర్ విడుదలైన ట్రైలర్ ద్వారా స్పష్టమవుతోంది. ఈ ఫిల్మ్ కు అనిరుధ్ మ్యూజిక్ అందించారు. ఈ నెల 5న ఈ చిత్ర తెలుగు ట్రైలర్ విడుదల కానున్నట్లు ఇప్పటికే మేకర్స్ అనౌన్స్ మెంట్ ఇచ్చేశారు.

టాలీవుడ్ స్టార్ ప్రొడ్యూసర్ దిల్ రాజు ఈ చిత్రాన్ని తెలుగులో రిలీజ్ చేస్తున్నారు. హిందీలో ఈ సినిమాను సన్ పిక్చర్స్ వారే రిలీజ్ చేస్తున్నారు. మొత్తంగా ఇళయ దళపతి విజయ్ కూడా ఈ చిత్రంతో పాన్ ఇండియా స్టార్ అయ్యే చాన్సెస్ ఉన్నాయని విజయ్ అభిమానులు సంతోషం వ్యక్తం చేస్తున్నారు.