తెలంగాణ భవన్‌లో మంత్రి పువ్వాడ అజయ్‌ కుమార్‌కు అవమానం జరిగింది. సాక్షాత్తు హైదరాబాదులోని తెలంగాణ భవన్ లో ఇది ఎదురుకావడం గమనార్హం. వివరాల్లోకి వెళ్తే, తెలంగాణ భవన్ లో ఈరోజు టీఆర్ఎస్ పార్టీ విస్తృత స్థాయి సమావేశం జరిగింది. ఈ సమావేశంలో మున్సిపల్ ఎన్నికలకు సంబంధించి నేతలకు ముఖ్యమంత్రి కేసీఆర్ దిశానిర్దేశం చేశారు.
ఈ సమావేశానికి హాజరుకావడానికి పువ్వాడ వస్తుండగా… ఆయనను ఆపిన పోలీసులు తనిఖీ చేశారు. పోలసు చర్యతో ఆయన తీవ్ర అసహనానికి గురయ్యారు. మంత్రిని అని చూడకుండా తనిఖీ చేస్తారా? అని మండిపడ్డారు. జరిగిన ఘటనపై ముఖ్యమంత్రి కేసీఆర్ కు ఫిర్యాదు చేస్తానని హెచ్చరించారు.
