బాలీవుడ్ స్టార్ కపుల్ రణ్ బీర్ కపూర్, ఆలియా భట్ జంటగా నటించిన చిత్రం ‘బ్రహ్మాస్త్ర’. దక్షిణాది భాషల్లో ఈ సినిమాను దర్శక ధీరుడు ఎస్.ఎస్.రాజమౌలి ప్రజెంట్ చేయడంతో పాటు విడుదల చేస్తు్న్నారు. ‘బ్రహ్మాస్త్రం’ టైటిల్ తో విడుదల కానున్న ఈ పిక్చర్ లో బాలీవుడ్ బిగ్ బీ అమితా బ్ బచ్చన్, మౌనీ రాయ్, టాలీవుడ్ కింగ్ అక్కినేని నాగార్జున కీలక పాత్రలు పోషించారు. అయాన్ ముఖర్జీ దర్శకత్వంలో తెరకెక్కిన ఈ సినిమా మూడు పార్ట్ లుగా విడుదల కానుంది.
తొలి భాగం..‘బ్రహ్మాస్త్రం: శివ’ ఈ ఏడాది సెప్టెంబర్ 9న విడుదల కానుంది. కాగా, ఈ చిత్రంలో సర్ ప్రైజెస్ కూడా ఉన్నాయని మేకర్స్ చెప్తున్నారు. బాలీవుడ్ బాద్ షా షారుఖ్ ఖాన్, స్టార్ హీరోయిన్ దీపికా పదుకునే ఈ చిత్రంలో కీలక పాత్రలు పోషించినట్లు తెలుస్తోంది. వారి పాత్రలు సినిమా స్టోరిలో భాగంగా ఉండటంతో పాటు సినీ అభిమానులను సర్ ప్రైజ్ చేస్తాయని టాక్. అయితే.. ఈ సినిమా ప్రీ రిలీజ్ ఈవెంట్ ని ఈరోజు ( సెప్టెంబర్ 2) వ తేదీన హైదరాబాదులో నిర్వహించనున్నట్లు అధికారిక ప్రకటన చేశారు.
ఈ ఫ్రీ రిలీజ్ ఈవెంట్ కు యంగ్ టైగర్ జూనియర్ ఎన్టీఆర్ చీఫ్ గెస్ట్ గా రానున్నట్లు కూడా తెలిపారు. అయితే అనుహ్య పరిణామాల నేపథ్యంలో ఈ ఫ్రీ రిలీజ్ ఈవెంట్ రద్దయింది. పర్మిషన్ లేని కారణంగా ఈ ప్రీ రిలీజ్ ఈవెంట్ ను రద్దు చేసినట్లు తెలుస్తోంది. ఫ్రీ రిలీజ్ ఈవెంట్ వేదిక వద్ద ఖాళీ చైర్లు దర్శనమిస్తున్నాయి. ఇప్పటికే అక్కడికి చేరుకున్న కొంతమంది అభిమానులు ఫ్రీ రిలీజ్ ఈవెంట్ రద్దయిందని తెలియడంతో నిరాశతో తిరిగి వెళ్ళిపోతున్నారు.
