ఐపీఎల్ పుణ్యమా అని గత రెండు సీజన్ లుగా ముంబై ఇండియన్స్ తరపున నిలకడగా రాణిస్తున్న హైదరాబాద్ ప్లేయర్ తిలక్ వర్మ కు అదృష్టం మాములుగా లేదు. మొదటిసారి ఇండియా తరపున అంతర్జాతీయ స్థాయిలో టీ 20 జట్టులో చోటు దక్కించుకున్న ఈ యంగ్ ప్లేయర్ ఇప్పుడు వెస్ట్ ఇండీస్ తో జరుగుతున్న అయిదు మ్యాచ్ ల సిరీస్ లో నిలకడగా రాణిస్తున్నాడు. మూడు మ్యాచ్ లలో తిలక్ వర్మ 39 , 52 మరియు 49 నాట్ అవుట్ పరుగులు చేసి ఇండియా సెలెక్టర్ లను ప్రత్యేకంగా ఆకర్శించాడు. ఇతని బ్యాటింగ్ లో టెక్నిక్, కంట్రోల్, క్వాలిటీ అన్ని చాలా చక్కగా బాలన్స్ చేస్తూ పరుగులను చేస్తున్నాడు. ఈ సందర్భంగా చాలా మంది అభిమానులు మరియు క్రికెట్ విశ్లేషకులు త్వరలో జరగనున్న వన్ డే వరల్డ్ కప్ లోకి తీసుకుంటే చాలా ఉపయోగంగా ఉంటుందని భావిస్తున్నారు. ఎందుకంటే.. కె ఎల్ రాహుల్, శ్రేయాస్ అయ్యర్ , పంత్ లు గాయాల కారణంగా ఇంకా ఆడేది లేదా అన్నది తెలియడం లేదు. ఇక ప్రస్తుతం జట్టులో ఉన్న సూర్య వన్ డే లలో విఫలం అవుతున్నాడు, సంజు శాంసన్ తడబడుతున్నాడు.
