కెనడాలో ఘోర రోడ్డు ప్రమాదం జరిగింది. ఈ ప్రమాదంలో 5గురు భారతీయులు మరణించారు. కెనడాలో శనివారం ఈ ప్రమాదం జరిగింది. ఒంటారియో హైవేపై ప్రాసింజర్ వ్యాన్, ట్రాక్టర్- ట్రైలర్ ఢీకొనడంతో రోడ్డు ప్రమాదం జరిగింది. ఈ ఘటనలో ఐదుగురు భారతీయ విద్యార్థులు మరణించారని కెనడాలోని భారత హైకమిషనర్ అజయ్ బిసారియా సోమవారం వెల్లడించారు. మరో ఇద్దరు తీవ్రగాయాలతో ఆస్పత్రితో చికిత్స పొందుతున్నారు. ట్విట్టర్ ద్వారా విద్యార్థుల కుటుంబాలకు తన సంతాపాన్ని తెలియజేశారు. బాధితులకు అన్నివిధాలుగా సహకరిస్తామని ఆయన తెలిపారు. 
క్విన్టే వెస్ట్ ఓంటారియో ప్రొవిన్షియల్ పోలీసుల కథనం ప్రకారం చనిపోయిన విద్యార్థులను హర్ ప్రీత్ సింగ్, జస్పిందర్ సింగ్, కరణపాల్ సింగ్, మోహిత్ చౌహాన్ మరియు పవన్ కుమార్‌లుగా గుర్తించారు. ప్రమాదంపై విచారణ జరగుతోందని పోలీసులు వెల్లడించారు.
