మహమ్మారి వలన విద్యార్థుల బోర్డు పరీక్షల్లో ఎంత గందరగోళం ఏర్పడుతుందో అందరికీ తెలిసిందే. ఈ నేపథ్యంలో సెంట్రల్ బోర్డ్ ఆఫ్ సిలబస్ ఎడ్యుకేషన్ సరికొత్త విధానాన్ని తీసుకువచ్చింది. 2021-22సంవత్సరానికి గాను రెండు బోర్డ్ ఎగ్జామ్ నిర్వహించాలని భావిస్తుంది. ఒకే బోర్డ్ ఎగ్జామ్ కారణంగా పరీక్ష్ల రద్దు వంటి ఇబ్బందులు ఏర్పడుతున్నాయని ఇలాంటి నిర్ణయం తీసుకుంది. టర్మ్ 1, టర్మ్ 2 పేరుతో రెండు ఎగ్జామ్స్ నిర్వహించాలని అనుకుంటుంది. దీని ప్రకారం సంవత్సరంలో రెండు ఎగ్జామ్స్ ఉంటాయి. వాటిల్లో వచ్చిన మార్కులని తీసుకుని ఫలితాలను విడుదల చేస్తారు.
ఈ రెండు టర్ముల్లో సిలబస్ కూడా వేరే విధంగా ఉంటుంది. మొదటి అర్థ సంవత్సరానికి 50శాతం సిలబస్ ఉంటుంది. రెండవ టర్మ్ కి మిగతా యాభైశాతం సిలబస్ ఉంటుంది. ఈ పరీక్షల సమయం 90నిమిషాలు ఉంటుంది. మార్కింగ్ స్కీమ్ ఆధారంగా క్వశ్చన్ పేపర్ ని సీబీఎస్ఈ తయారు చేస్తుంది. సీబీఎస్ఈ నియమించిన అధికారుల సమక్షంలోనే ఈ పరీక్షలు జరుగుతాయి. నవంబరు -డిసెంబర్ మధ్య కాలంలో మొదటి టర్మ్ ఉంటుంది. మార్చ్- ఏప్రిల్ కాలాల్లో రెండవ టర్మ్ ఉంటుంది.
పరీక్షలతో పాటు పరీక్ష పేపరు కూడా మారనుంది. మొదటి టర్మ్ లోని మొదటి పేపర్ లో మల్టిపుల్ ఛాయిస్ ప్రశ్నలు ఉంటాయి. రెండవ పేపర్ లో విభిన్న రకాలైన ప్రశలు ఇస్తారు. ఈ పద్దతి ప్రకారమే సిలబస్ కూడా తయారు చేస్తున్నారు. మొదటి సగభాగాన్ని మొదటి టర్మ్ లో, రెండవ సగభాగాన్ని రెండవ టర్మ్ లో బోధిస్తారు. పరీక్షలు నిర్వహిస్తారు. ఒకవేళ మార్చిలో పరిస్థితులు అనుకూలంగా లేకపోతే 2గంటల బోర్డు పరీక్షను పెట్టాలని భావిస్తుంది.
