ఆంధ్రప్రదేశ్ ముఖ్యమంత్రి సహాయ నిధికి తమిళనాడు రాష్ట్ర రాజధాని చెన్నైకి చెందిన ఇంపీరియల్ గ్రానైట్స్ ప్రైవేట్ లిమిటెడ్ భారీ విరాళాన్ని అందించింది. ఈ మేరకు ఏపీ ముఖ్యమంత్రి వైఎస్ జగన్మోహన్ రెడ్డిని మంగళవారం కంపెనీ ప్రతినిధులు కలిసి రూ.కోటి ఐదు లక్షల డిడిని అందజేశారు.
ఈ సందర్భంగా జెమ్ గ్రూప్ ఆఫ్ కంపెనీ చైర్మన్ ఆర్.వీరమని మాట్లాడుతూ, కోవిడ్ సమయంలో ముఖ్యమంత్రి జగన్మోహన్ రెడ్డి తీసుకున్న సమర్థవంతమైన చర్యలు తమను ఎంతగానో ప్రభావితం చేశాయని వెల్లడించారు. ఈ విషయాన్ని సీఎం జగన్ కు స్వయంగా వివరించారు. ముఖ్యమంత్రి జగన్మోహన్ రెడ్డిని కలిసిన వారిలో జెమ్ గ్రూప్ ఆఫ్ కంపెనీస్ డైరెక్టర్ ఆర్.గుణశేఖరన్, మాజీ మంత్రి బాలినేని శ్రీనివాసరెడ్డి కూడా ఉన్నారు.
