ఈ నెల 11న పల్నాడు, గుంటూరు జిల్లాలలో సీఎం జగన్ పర్యటించనున్నారు. ఈ సందర్భంగా పల్నాడు జిల్లా యడ్లపాడు మండలంలోని సుగంధ ద్రవ్యాల పార్క్‌లో ఐటీసీ సంస్ధ ఏర్పాటు చేసిన గ్లోబల్‌ స్పైసెస్‌ ప్రాసెసింగ్‌ ఫెసిలిటీ యూనిట్‌ ప్రారంభోత్సవం చేయనున్నారు ముఖ్యమంత్రి జగన్. అలాగే గుంటూరు నగరంలోని శ్రీ వేంకటేశ్వర విజ్ఞాన మందిరంలో ఏర్పాటు చేసిన మైనార్టీ సంక్షేమ దినోత్సవంలో పాల్గొననున్నారు ముఖ్యమంత్రి జగన్.
గుంటూరు మెడికల్‌ కళాశాలలో 75 ఏళ్ళు పూర్తయిన సందర్భంగా ఏర్పాటు చేసిన ప్లాటినం జూబ్లీ పైలాన్‌ ఆవిష్కరణ కార్యక్రమంలో జగన్ పాల్గొంటారు. ఈ నేపథ్యంలో ఎల్లుండి ఉదయం 9.00 గంటలకు తాడేపల్లి నివాసం నుంచి బయలుదేరనున్న సీఎం…9.25 గంటలకు పల్నాడు జిల్లా యడ్లపాడు మండలం వంకాయల పాడు సుగంధ ద్రవ్యాల పార్క్‌కు చేరుకోనున్నారు.
గంట పాటు సుగంధ ద్రవ్యాల పార్క్‌లో ఐటీసీ సంస్ధ ఏర్పాటు చేసిన గ్లోబల్‌ స్పైసెస్‌ ప్రాసెసింగ్‌ ఫెసిలిటీ యూనిట్‌ ప్రారంభోత్సవ కార్యక్రమం, 11.10 గంటలకు గుంటూరు నగరంలోని శ్రీ వేంకటేశ్వర విజ్ఞాన మందిరంలో ఏర్పాటు చేసిన మైనార్టీ సంక్షేమ దినోత్సవంలో పాల్గొననున్నారు. 12.30 గంటలకు గుంటూరు మెడికల్‌ కాలేజ్‌ చేరుకుని ప్లాటినం జూబ్లీ పైలాన్‌ ఆవిష్కరణ కార్యక్రమంలో పాల్గొననున్న సీఎం జగన్ …మధ్యాహ్నం 1.30 గంటలకు తాడేపల్లి నివాసానికి చేరుకోనున్నారు.
