శీతాకాలం వచ్చిందంటే ప్రజలు జలుబు, దగ్గు, ఇతర ఇన్ఫెక్షన్లతో బాధ పడుతుంటారు. వారం పది, రోజులు మనుషులు వీటితో సహవాసం చేయాల్సిందే. అయితే జింక్ రిచ్ ఆహారం తీసుకోవడం వల్ల, జింకును నేరుగా టాబ్లెట్లు, నాసిల్ స్ప్రేల ద్వారా తీసుకుంటే ఫలితం ఉంటుందని పరిశోధనుల తెలుపుతున్నాయి. తాజాగా వెస్ట్రన్ యూనివర్శిటీకి చెందిన పరిశోధకులు ఈ విషయాన్ని నిర్థారించారు. జలుబు, దగ్గు బారిన పడిన వ్యక్తులు జింక్ సప్లిమెంట్లను తీసుకుంటే కేవలం 2 రోజుల్లోనే కోలుకున్నారని పరిశోధకులు చెబుతున్నారు. జింక్ వ్యాధి సంక్రమణ రేటును తగ్గించడంతో పాటు, అనారోగ్య సమయాన్ని కూడా తగ్గిస్తుందని తెలిసింది. వెస్ట్రన్ యూనివర్శిటీలోని శాస్త్రవేత్తలు జింక్ అలాగే శ్వాసకోశ ఇన్ఫెక్షన్లను అనుసంధానించే డజనుకు పైగా అధ్యయనాలను పరిశీలించారు. జింక్ తీసుకోవడం వల్ల శరీర ఉష్ణోగ్రత తగ్గడంతో పాటు, తలనొప్పి, ముక్కు నుంచి నీరు కారడం వంటి లక్షణాలను తగ్గిస్తుందని పరిశోధకులు చెబుతున్నారు.
జింక్ తో లాభాలు:
జింక్ శరీరానికి కావాల్సిన అత్యంత ముఖ్యమైన పోషక పదార్థం. జింకు వ్యాధి నిరోధక శక్తిని పెంచుతుంది. దీంతో పాటు శరీరంలో వాపును తగ్గించడంతో పాటు, జీవక్రియను మెరుగుపరుస్తుంది. రోజుకు పురుషులు 9.5 mg, మహిళలు 7mg వరకు జింక్ ను తీసుకోవచ్చని బ్రిటన్ ఆరోగ్య సంస్థ చెబుతోంది. అయితే అవసరమైన మోతాదు కన్నా అధికంగా జింక్ ను తీసుకుంటే శరీరంలో ఐరన్ మోతాదు తగ్గి ఎముకలు పెలుసుగా మారిపోయే ప్రమాదం ఉంది. పరిశోధకుల బృందం 5500 మంది వ్యక్తులపై 28 జింక్ ట్రయల్స్‌ను పరిశోధించింది. జలుబు, దగ్గుతో బాధపడుతున్న రోగులకు నోటి ద్వారా లేదా నాసికా స్ప్రే ద్వారా జింక్ ఇవ్వవచ్చని పరిశోధనలు చెబుతున్నాయి. కాగా జింకు ప్రభావం గురించి మరింత లోతుగా పరిశోధనలు జరగాల్సి ఉందని పరిశోధకులు చెబుతున్నారు.
జింకు లభించే పదార్థాలు:
పుచ్చకాయ గింజలు, చేపలు, గుడ్డు, డార్క్ చాక్లెట్స్, పాల ఉత్పత్తులు
