కాంగ్రెస్ ఎన్నికల సమయంలో ఇచ్చిన హామీల అమలు విషయంలో మాజీమంత్రి హరీష్ రావు ఫైర్ అయ్యారు. రాష్ట్రంలో కాంగ్రెస్ పార్టీ ఇచ్చిన హామీలు నీటి మూటలను తలపిస్తున్నాయి. అధికారంలోకి వచ్చిన వంద రోజుల్లోనే హామీలు అమలు చేస్తామని బాండ్ పేపర్ల మీద రాసిచ్చిన కాంగ్రెస్ పార్టీ, 191 రోజులు గడిచినా ఆచరణలో మాత్రం విఫలమైంది అని మండిపడ్డారు.పక్క రాష్ట్రం ఏపీలో అధికారంలోకి రాగానే ముఖ్యమంత్రి గారు అన్ని రకాల పింఛన్లు పెంచితే, ఒరిస్సా ముఖ్యమంత్రి గారు వరి కనీస మద్దతు ధర క్వింటల్ కు రూ. 3100 చేస్తూ నిర్ణయం తీసుకున్నారు.
కాంగ్రెస్ ప్రభుత్వం ఇప్పటికైనా కళ్లు తెరవాలి. ఎన్నికల మేనిఫెస్టోలో చెప్పినట్లుగా, వృద్ధులు, వితంతువుల పింఛన్లు 4వేలు, దివ్యాంగులకు 6వేలు పెంచుతూ తక్షణం నిర్ణయం తీసుకోవాలి.10% మాత్రమే పండించే సన్న వడ్లకు రూ. 500 బోనస్ ఇస్తామని చేతులు దులుపుకున్న కాంగ్రెస్ పార్టీ ఎన్నికల హామీలో చెప్పినట్లుగా అన్ని రకాల వడ్లకు బోనస్ ఇస్తామని ప్రకటించాలని టిఆర్ఎస్ పార్టీ పక్షాన డిమాండ్ చేస్తున్నాం.ఎన్నికల మేనిఫెస్టోలో చెప్పిన 6 గ్యారెంటీలు, 13 హామీల అమలు చేయాలని ఆయన డిమాండ్ చేశారు.
