ఆస్ట్రేలియా స్టార్ క్రికెటర్ గతంలో తను ప్రకటించిన టెస్టు క్రికెట్ రిటైర్మెంట్‌ను మరల వెనక్కి తీసుకుంటారని వస్తున్న వార్తలపై ఆయన భార్య క్యాండీ వార్నర్ స్పందించారు. వార్నర్ తన రిటైర్మెంట్ వెనక్కి తీసుకునే నిర్ణయంపై పునరాలోచించడం లేదని క్లారిటీ ఇచ్చారు. ఆయన బీజీటీలో సైతం ఆడరని స్పష్టంచేశారు. కాగా, తన కెరీర్‌లో ఇప్పటివరకు ధరించిన జెర్సీలను ప్రేక్షకులకు చూపించేందుకు వార్నర్ ఓ వీడియోను షేర్ చేశారు.
టెస్టు, వన్డే, టీ20లతో పాటు ఐపీఎల్‌లోని జెర్సీలను సైతం జాగ్రత్తగా భద్రపరుచుకున్నాడు వార్నర్. ఆ వీడియోను వీక్షించిన ఫ్యాన్స్ ఒక్కసారిగా ఆశ్చర్యపోయారు. వీటీని ఎవరికైనా బహుమతి రూపంలో ఇవ్వాలని వార్నర్ నిర్ణయించుకున్నట్లు తెలుస్తోంది. ఇదిలాఉండగా, వార్నర్ గతంలో సన్ రైజర్స్ హైదరాబాద్ జట్టుకు కెప్టెన్‌గా వ్యవహరించి జట్టుకు టైటిల్ అందించిన విషయం తెలిసిందే.
