Thailand :జనవరి 28.. సాయంత్రం 5.40 గంటలకు థాయ్‌లాండ్‌కి చెందిన పాసర్ మకున్ ఇంచాన్ అనే మహిళ కారు నడుపుతూ తాను వెళ్లే మార్గం ఎలా ఉందో చూసుకోకుండా GPS నీ ఫాలో అయి వియాంగ్ థాంగ్ బ్రిడ్జ్‌పై చిక్కుకు పోయింది. ఆ బ్రిడ్జి 120 మీటర్ల పొడవైన వంతెన అది పాదాచారుల కోసం నిర్మించారట. వంతెన పైకి ఆ కారు 15 మీటర్ల ముందుకు వెళ్ళింది.కారు ముందున్న ఎడమ చక్రం బ్రిడ్జ్ ఖాళీలో చిక్కుకుపోయింది.
దాంతో కారు కదలకుండా ఆగిపోయింది. ఆ మహిళ వెంటనే సహాయం కోసం అరుపులు పెట్టడంతో అటువైపుగా వెళ్తున్న ఒక వ్యక్తి వెంటనే స్పందించి అందరికీ చెప్పడంతో ఆమెను రక్షించడానికి సహాయ చర్యలు ప్రారంభించారు. ప్రమాదకర పరిస్థితి నుండి ఆ మహిళను రక్షించారు.ఈ ఘటనలో ఇంచాన్ చేసిన తప్పిదం ఏంటంటే గుడ్డిగా GPS సూచనలు పాటిస్తూ వెళ్లడమే.GPS మీద ఆధారపడి వెళ్లే మార్గాన్ని చూసుకోకుండా ఇలాంటి పరిస్థితుల్లో ఎదురవుతాయని మరోసారి హెచ్చరికగా నిలిచింది.
