సాధారణంగా మనకు ప్రతి రోజు అనేక పనులు ఉంటాయి. అయితే ఉన్న సమయంలో పనులన్నింటినీ పూర్తి చేయడం చాలా కష్టం అయిపోతుంది. ఎప్పుడైతే మనకి ఉన్న సమయంలో మన పనులు పూర్తి చేసుకుంటామో అప్పుడే పైకి రాగలము. ఉన్న సమయాన్ని ఎలా వినియోగించుకోవాలి తెలుసుకోవడానికి ఈ టిప్స్ ని చూడండి…
ఒత్తిడిని తగ్గించుకోవాలి:
ఎప్పుడూ కూడా ఒత్తిడిలో కూరుకుపోతూ పనులను చేయకూడదు. ఒత్తిడి లేకుండా పనులు పూర్తవ్వాలంటే లిస్ట్ ప్రిపేర్ చేసుకోండి. ఇలా చేయడం వల్ల మీకు ఏ సమయంలో ఏ పనులు చేయగలరో కూడా తెలిసిపోతుంది. దానిని అనుసరించడం వల్ల ఒత్తిడి లేకుండా సమయానికి తగ్గ పనులు పూర్తి అయిపోతాయి.
అధిక సమయం మిగులుతుంది:
ఎప్పుడైతే మీరు మీ పనులన్నీ పూర్తి చేస్తారో అప్పుడు మీకు మరింత ఎక్స్ ట్రా టైం దొరుకుతుంది. దీనితో మీరు మీ హాబీస్, ప్యాషన్ వంటి వాటి పై కూడా దృష్టి పెట్టడానికి వీలవుతుంది.
మంచి అవకాశాలు:
సమయానుసారం మీరు మీ పనులన్నీ పూర్తి చేసుకుంటే మంచి అవకాశాలు వస్తూ ఉంటాయి. ఎందుకంటే టైం మేనేజ్మెంట్ ఉండే వ్యక్తులనే కదా ఏ కంపెనీ అయినా చూసేది.
మధ్య మధ్యలో విరామం తీసుకోవడం:
ఒక పని నుంచి మరొక పనికి వెళ్తున్నప్పుడు మీరు మధ్యలో షార్ట్ బ్రేక్ తీసుకోవడం వల్ల మీరు ఫ్రెష్ గా ఉండగలరు. దీనితో రోజులో ఎప్పుడూ ఒత్తిడి లేకుండా ప్రశాంతంగా మీరు మీ పనులు చేసుకోవడానికి వీలు అవుతుంది.
అనవసరమైన పనులు తీసేయండి:
అనవసరమైన టాస్కులని, పనులని చేయకండి. అవసరమైన వాటిపై దృష్టి పెడితే సమయాన్ని జాగ్రత్తగా ఉపయోగించుకోవడానికి వీలవుతుంది. అనవసరమైన పనులు చేయడం వల్ల సమయం వృధా అవుతుంది.
