ఉత్త‌రాఖండ్‌లోని ప‌లు ప్రాంతాల్లో శ‌నివారం ఉద‌యం భూకంపం సంభ‌వించింది. రిక్ట‌ర్ స్కేలుపై 4.1 గా భూకంప తీవ్రత న‌మోదు అయింది. ప్ర‌కంప‌లు స్వల్పంగా ఉండ‌డంతో ప్ర‌జ‌లు దానిని గుర్తించ‌లేదు. అధికారుల క‌థ‌నం ప్ర‌కారం.. తూర్పు-ఉత్త‌ర కాశీకి 39 కిలోమీట‌ర్ల దూరంలో శ‌నివారం ఉద‌యం 5.03 గంట‌ల‌కు భూకంపం సంభ‌వించిన‌ది. భూకంప తీవ్రత 4.1 న‌మోదు అయిన‌ట్టు నేష‌న‌ల్ సెంట‌ర్ ఫ‌ర్ సిస్మాల‌జీ తెలిపింది.
ఇప్ప‌టివ‌ర‌కు ఎక్క‌డా ఎలాంటి ప్రాణ, ఆస్తిన‌ష్టం జ‌రిగిన‌ట్టు స‌మాచారం లేదు. ఇది సంభ‌వించిన స‌మ‌యంలో ప్ర‌జ‌లు మేల్కొని ఉన్నారు. అలాంటి ప‌రిస్థితుల్లో చ‌లి కార‌ణంగా ఇళ్ల‌లోనే ఉన్నారు. కొన్ని చోట్ల ఇల్లు కంపించ‌డంతో జ‌నం బ‌య‌ట‌కు ప‌రుగులు తీశారు. ప్ర‌స్తుతం భూకంప కేంద్రం ఎక్క‌డుందో తెలియ‌రాలేదు. తీవ్రత రిక్ట‌ర్ వ‌ద్ద కొలుస్తారు. అటువంటి ప‌రిస్థితిలో భూకంపం వ‌ల్ల ఇప్ప‌టివ‌ర‌కు ఎటువంటి ప్రాణ న‌ష్టం జ‌రుగ‌లేదు. వారం రోజుల వ్య‌వ‌ధిలో ఉత్త‌రకాశీలో భూకంపం రావ‌డం ఇది మూడోసారి. గ‌త ఆదివారం ఉద‌యం 11.27 గంట‌ల‌కు 4.1 తీవ్ర‌త‌తో భూమి కంపించింది. అంత‌కు ముందు రోజు కూడా 3.6 తీవ్ర‌త‌తో భూకంపం వ‌చ్చింది. ఈనెల 10న జ‌మ్మూకాశ్మీర్ స‌హా ఢిల్లీ ఎన్సీఆర్‌, ఉత్త‌రాఖండ్ లో 5.7 తీవ్ర‌త‌తో భూ ప్ర‌కంప‌ణ‌లు చోటు చేసుకున్నాయి.
