ఎన్ టీవీ చైర్మన్ నరేంద్ర చౌదరికి ఎన్ఫోర్స్మెంట్ డైరెక్టర్ నోటీసులు జారీ చేసిందంటూ జరుగుతున్న ప్రచారంలో నిజం లేదంటున్నాయి నరేంద్ర చౌదరి సన్నిహిత వర్గాలు. నరేంద్ర చౌదరికి ఈడీ నోటీసులు అంటూ కొన్ని ప్రసారమాధ్యమాల్లో తప్పుడు కథనాలు వెలువడ్డాయి. అయితే, ఇదంతా వట్టిమాటే, ఈడి నోటీసులు అంటూ కొందరు చేస్తున్న ప్రచారంలో ఎలాంటి నిజం లేదని తెలుస్తుంది.
ప్రతి ఏడాది కార్తీక మాసంలో ఎన్టీవీ-భక్తి టీవీ ఆధ్వర్యంలో, హైదరాబాద్ లోని ఎన్టీఆర్ స్టేడియం వేదికగా ‘కోటి దీపోత్సవం’ నిర్వహిస్తూ వస్తున్నారు నరేంద్ర చౌదరి, రమాదేవి దంపతులు, 2012లో రచన టెలివిజన్ ప్రైవేట్ లిమిటెడ్ అధినేత నరేంద్ర చౌదరి, రమాదేవి దంపతుల సంకల్పంతో ఈ దీపోత్సవానికి అంకురార్పణ జరిగింది.
తొలిసారిగా లక్ష దీపాలతో ప్రారంభమైన ఈ మహాదీప యజ్ఞం, మరుసటి ఏడాది నుంచే కోటి దీపోత్సవంగా మారింది. క్రమంగా ఆధ్యాత్మిక జగత్తులో మహోద్యమంగా కొనసాగుతోంది. ఈ ఏడాది, ఈ నెల 31వ తేదీ నుంచి మళ్లీ కోటి దీపోత్సవం ప్రారంభం కాబోతోంది. ఈ పనుల్లో బిజీగా ఉన్నారు చౌదరి. ఈ సమయంలో, కోటి దీపోత్సవం నుంచి దృష్టి మరల్చడానికి కొందరి కావాలని ఈ దుష్ప్రచారానికి తెరలేపినట్లు తెలుస్తుంది.
