జర్నలిస్టుపై మహిళా అఘోరి దాడి.. ఎందుకంటే?

జర్నలిస్టుపై మహిళా అఘోరి దాడి చేసింది. ఈ ఘటన ఏపీలోని సోమవారం మంగళగిరిలో వెలుగుచూసింది. కారు వాష్ సెంటర్‌లో ఉన్న జర్నలిస్టు తనను వీడియో తీశాడనే కారణంతో అఘోరి దాడి చేసినట్లు తెలుస్తోంది. పొడవాటి కర్రతో జర్నలిస్టు మీద దాడి చేస్తుండగా తోటి వారు ఆమెను అడ్డుకునే ప్రయత్నం చేశారు. అయినప్పటికీ అఘోరి వినిపించుకోలేదు.

దీనికి సంబంధించిన వీడియో ప్రస్తుతం నెట్టింట వైరల్ అవుతోంది. ఇదిలాఉండగా,మహిళా అఘోరి ప్రస్తుతం ఏపీలోని ఆలయాలను సందర్శిస్తోంది. మొన్నటివరకు తెలంగాణలో సంచరించిన ఆమెను శాంతి భద్రతల దృష్ట్యా రాష్ట్ర పోలీసులు మహారాష్ట్ర సరిహద్దులో వదిలేసి వచ్చారు.అయినప్పటికీ మహిళా అఘోరి తిరిగి ఏపీలోని ఆలయాలను సందర్శిస్తూ అక్కడ సంచరిస్తోంది.