ఇవాళ ఉదయం బాలీవుడ్ స్టార్ హీరో సల్మాన్ ఖాన్ ఇంటి బయట గుర్తు తెలియని వ్యక్తులు కాల్పులకు పాల్పడిన సంగతి తెలిసిందే.సల్మాన్ ఖాన్ ఇంటి బయట జరిగిన కాల్పులు తమ పనేనని గ్యాంగ్స్టర్ లారెన్స్ బిష్ణోయ్ సోదరుడు అన్మోల్ బిష్ణోయ్ ప్రకటించారు. ఈ మేరకు సోషల్ మీడియాలో పోస్టు పెట్టారు. ‘సల్మాన్. ఇది కేవలం ట్రైలర్ మాత్రమే. మా బలమేంటో నీకు అర్థమై ఉంటుంది . దాన్ని పరీక్షించొద్దు. ఈసారి తుపాకీ పేలుడు ఇంటి బయటితో ఆగదు’ అని వార్నింగ్ ఇచ్చారు. ఇండియాలో మోస్ట్ వాంటెడ్ లిస్టులో ఉన్న అన్మోల్ ప్రస్తుతం అమెరికాలో ఉంటున్నారు.
కాగా, ఘటన సమయంలో ఆయన ఇంట్లోనే ఉన్నట్లు తెలుస్తోంది. దుండగుల కాల్పుల్లో ఓ బుల్లెట్ మొదటి అంతస్తులోకి దూసుకెళ్లినట్లు సమాచారం. అదృష్టవశాత్తు తమ అభిమాన హీరోకు ఏమీ కాలేదని అభిమానులు పోస్టులు చేస్తున్నారు. కాగా గత ఏడాది సల్మాన్ ఖాన్ కి బెదిరింపులు పెరిగిన నేపథ్యంలో ఆయనకు Yప్లస్ భద్రతను కల్పించారు.
