భారత కంప్ట్రోలర్ అండ్ ఆడిటర్ జనరల్(కాగ్)గా గిరీశ్ చంద్ర ముర్మును నియమించింది కేంద్రం. ముర్మును సీఏజీగా నియమిస్తూ కేంద్ర ఆర్థిక శాఖ అధికారిక నోటిఫికేషన్ విడుదల చేసింది.ప్రస్తుతం ఆ స్థానంలో ఉన్న రాజీవ్ మెహర్షి శుక్రవారం పదవీ విరమణ చేయనున్నారు. ఆయన స్థానంలో శనివారం రాష్ట్రపతి భవన్లో ప్రమాణస్వీకారం చేసి ‘కాగ్’గా బాధ్యతలు స్వీకరించనున్నారు ముర్ము.
జమ్ముకశ్మీర్ లెఫ్టినెంట్ గవర్నర్గా బుధవారం సాయంత్రం ముర్ము రాజీనామా చేశారు. నూతన కాగ్గా నియమితులవుతారని అప్పుడే ఊహాగానాలు వినిపించాయి.అక్టోబర్ 29న జమ్ముకశ్మీర్ కేంద్ర పాలిత ప్రాంతానికి తొలి లెఫ్టినెంట్ గవర్నర్గా బాధ్యతలు తీసుకున్నారు ముర్ము. గుజరాత్ కేడర్కు చెందిన ఐఏఎస్ అధికారి అయిన ముర్ము.. నరేంద్ర మోదీ ముఖ్యమంత్రిగా ఉన్నప్పుడు ఆయనకు ప్రధాన కార్యదర్శిగా పనిచేశారు. జమ్ముకశ్మీర్ లెఫ్టినెంట్ గవర్నర్గా బాధ్యతలు చేపట్టక ముందు ఆర్థిక శాఖలో కార్యదర్శిగా విధులు నిర్వర్తించారు.
