టాలీవుడ్ బుట్ట బొమ్మ పూజా హెగ్డే..ప్రజెంట్ స్టార్ హీరోయిన్ గా దూసుకుపోతున్నది. టాలీవుడ్ , కోలీవుడ్, బాలీవుడ్..ఇలా అన్ని ఇండస్ట్రీలలో సినిమాలు చేస్తోంది. ఇప్పటికే దాదాపుగా స్టార్ హీరోలందరి సరసన హీరోయిన్ గా యాక్ట్ చేసిన ఈ సుందరి..ఇప్పుడూ ఫుల్ బిజీగా ఉంది.
ఇటీవల ఈ భామ నటించిన ‘రాధేశ్యామ్, ‘బీస్ట్’, ‘ఆచార్య’ సినిమాలు విడుదలయ్యాయి. త్వరలో ఈ అమ్మడు నటించిన మరికొన్ని చిత్రాలు విడుదల కానున్నాయి. ఈ సంగతులు పక్కనబెడితే..తాజాగా పూజా హెగ్డేకు అరుదైన గౌరవం దక్కింది. భారత ప్రభుత్వం తరఫున ఈ ఏడాది కేన్స్ లో జరిగే ఫిల్మ్ ఫెస్టివల్ వేడుకలకు ఈ హీరోయిన్ భారత్ తరఫున ప్రతినిధిగా వెళ్లనుంది.
ఈ నెల 17 నుంచి 28 వరకు జరిగే వేడుకల్లో భారత్ తరఫున పూజా హెగ్డే హాజరు కానున్నట్లు భారత ప్రభుత్వంలో ఓ ప్రకటనలో పేర్కొంది.
ఈ విషయం తెలుసుకుని పూజా హెగ్డే అభిమానులు సంతోషం వ్యక్తం చేస్తున్నారు. దేశాన్ని రిప్రెజెంట్ చేసే చక్కటి అవకాశం తమ అభిమాన హీరోయిన్ కి దక్కిందని నెటిజన్లు సోషల్ మీడియా వేదికగా పోస్టులు పెడుతున్నారు.
