హీరోయిన్ ప్రణీత తాజాగా పండంటి బిడ్డకు జన్మనిచ్చింది. ఈ మేరకు ప్రణీత షేర్ చేసిన ఫోటో నెట్టింట్లో తెగ వైరల్ అవుతోంది. గత కొన్ని రోజులుగా ఎంతో క్లిష్టమైన పరిస్థితులు ఎదురయ్యాయి. కానీ మాకు పండంటి బిడ్డ పుట్టేసింది అంటూ ఓ ఫోటోను షేర్ చేసింది ప్రణీత. అలా తన బిడ్డను చూసుకుంటూ ప్రణీత ఎంతో మురిసిపోయింది. పొత్తిళ్లలో తన బిడ్డను చూసుకుంటూ ఉన్న ప్రణీత కళ్లలో మాతృత్వ ప్రేమ కనిపిస్తోంది. ప్రణీతకు గత ఏడాది పెళ్లి అయిన సంగతి తెలిసిందే. బెంగళూరుకు చెందిన వ్యాపారవేత్తను ప్రణీత గత ఏడాది మేలో వివాహాం చేసుకున్న సంగతి తెలిసిందే. ఆ పెళ్లి గురించి ప్రణీత లీక్ అవ్వకుండా జాగ్రత్తలు తీసుకుంది.
చివరకు పెళ్లి తేదీ నాడు వార్తలు వైరల్ అవుతుండటంతో.. ప్రణీత తన సోషల్ మీడియా ద్వారా అధికారికంగా ప్రకటించేసింది. కుటుంబ సభ్యుల సమక్షంలో పెళ్లి జరుగుతోందని, అభిమానుల ప్రేమ, ఆశీర్వాదం, సపోర్ట్ కావాలంటూ ప్రణీత వేసిన పోస్ట్ కూడా బాగానే వైరల్ అయింది. ఇక ఏప్రిల్ నెలలో ప్రణీత తన ప్రెగ్నెన్సీ విషయాన్ని బయటపెట్టేసింది. తాను టెస్టులు చేసుకున్నట్టుగా, స్కానింగ్ రిపోర్టులను కూడా ప్రణీత సోషల్ మీడియాలో షేర్ చేసింది. అలా తాను తల్లి అవుతున్నట్టుగా అందరికీ చెప్పేసింది. ఇక ప్రణీత సీమంతం వేడుకలు, బేబీ షవర్ ఫోటో షూట్లు ఎంతగా వైరల్ అయ్యాయో అందరికీ తెలిసిందే. మొత్తానికి ఇప్పుడు మాత్రం ప్రణీత పండంటి బిడ్డకు జన్మనిచ్చిన ఆనందంలో ఉంది.
