హైదరాబాద్ లో హనీ ట్రాప్ ముఠా గుట్టు రట్టు చేశారు పోలీసులు. ఓ మహిళతో పాటు తొమ్మిది మందిని అరెస్టు చేశారు సెంట్రల్ జోన్ పోలీసులు. హోమ్ డెలివరీ పేరుతో హనీ ట్రాప్ చేస్తుంది ఆ మహిళ. కొందరు యువకులతో పరిచయాలు పెంచుకొని ఫోటోలు దిగుతూ ఆ మరుసటిరోజే ఈ గ్యాంగ్ తో ఇంటి ముందు ప్రత్యక్షమవుతుంది. ఆ తరువాత యువకుల ఇంటిపై వారి ముఠాతో దాడులకు పాల్పడుతుంది.
ఆ తర్వాత యువకుల నుంచి లక్షలలో డబ్బులు వసూలు చేస్తుంది. ఈ ముఠాని ముషీరాబాద్ పోలీసులు చాకచక్యంగా పట్టుకున్నారు. హైదరాబాదులో వరుసగా హనీ ట్రాప్ కి పాల్పడుతున్న ఘటనలు వెలుగు చూడడంతో పోలీసులు వీటిపై ప్రత్యేక దృష్టి సారించారు. ఒక సెంట్రల్ జోన్ లోనే ఆరు కేసులు నమోదయ్యాయి.
