తిరుమలలో ప్రస్తుతం కరోనా కట్టడి దృష్ట్యా ఎన్నో కీలక నిర్ణయాలు తీసుకుంటోంది టీటీడీ. అలాంటి నిర్ణయాల్లో భాగంగానే లైన్ లో కళ్యాణోత్సవం టికెట్ లు అమ్మకం. ఈ ఆన్ లైన్ లో కళ్యాణోత్సానికి భక్తుల నుంచి విశేష స్పందన లభిస్తోంది. టీటీడీ చరిత్రలోనే రికార్డు స్థాయిలో రేపటి రోజు కోసం కళ్యాణోత్సవం సేవకు టిక్కెట్లను భక్తులు కొనుగోలు చేశారు. ఇప్పటికే రేపటికి 2834 కళ్యాణోత్సవం సేవా టిక్కెట్లను భక్తులు కోనుగోలు చేసినట్టు తెలుస్తోంది.
- ఈ సంఖ్య మరింత పెరిగే అవకాశం ఉంది. ప్రత్యక్షంగా కల్యాణోత్సవ సేవలో పాల్గొనేందుకు 700 టిక్కేట్లు మాత్రమే టీటీడీ కేటాయిస్తుంది. కానీ ఆన్ లైన్ లో ఎలాంటి పరిమితి లేకపోవడంతో విశేష సంఖ్యలో టికెట్ లను భక్తులు కోనుగోలు చేస్తున్నారు. 50 రోజులకు గాను ఆన్ లైన్ లో 20 వేల కళ్యాణోత్సవం సేవా టిక్కెట్లను భక్తులు కోనుగోలు చేసినట్టు అధికారిక లెక్కలు చెపుతున్నాయి. ఈ సంఖ్య మరింత పెరిగే అవకాశం కూడా ఉంది.
