భార్య పేరు మీద ఇళ్లు కొంటే ఎన్ని ప్రయోజనాలో… వీటిన్నింటి నుంచి మినాహాయింపు

సొంత ఇళ్లు ఉండాలని అందరూ అనుకుంటారు. మనిషి జీవితంలో ఇళ్లు కట్టుకోవడం, పెళ్లి చేసుకోవడం రెండూ ముఖ్యమైనవి. కానీ ఈ రెండు అంత తేలికనైవి ఏం కాదు. ఇల్లు కొనేటప్పుడు పన్ను గురించి ఆలోచించాలి. ఇల్లు, పన్నులతో సహా పెద్ద మొత్తంలో ఖర్చు చేయడానికి సిద్ధంగా లేకుంటే, మీరు మీ భార్య పేరు మీద ఇల్లు కొనుగోలు చేయవచ్చు. భార్యాభర్తలు నాణేనికి రెండు వైపుల వంటివారు. కాబట్టి భార్య పేరు మీద ఇల్లు కొంటే ఇద్దరికీ లాభం. ఇండియాలో మహిళల పేరుతో ఇల్లు కొంటే కొన్ని ప్రత్యేక రాయితీలు ఇస్తారు. భార్య పేరుతో ఇల్లు కొనడం వల్ల కలిగే ప్రయోజనాలు ఏంటో ఇప్పుడు చూద్దాం.

మీరు మీ భార్య పేరు మీద ఇల్లు కొంటే కలిగే ప్రయోజనాలు..

పన్ను ప్రయోజనం:

ఇంటిని భార్య పేరు మీద లేదా ఉమ్మడిగా కొనుగోలు చేయవచ్చు. అప్పుడు మీరు అదనపు పన్ను ప్రయోజనం పొందుతారు. మీరు ఏటా రూ. 1.5 లక్షల నుంచి రూ. 2 లక్షల వరకు పన్ను మినహాయింపు పొందవచ్చు. మీరు ఆదాయపు పన్ను చట్టం, 1961లోని సెక్షన్ 80C కింద దీనిని క్లెయిమ్ చేయవచ్చు.

ఇక్కడ మీరు ఒక విషయం గమనించాలి. అంటే మీరు మరియు మీ భాగస్వామి ఒకే ఇంట్లో నివసించాలి. అప్పుడే పన్ను మినహాయింపు లభిస్తుంది. భార్యకు ప్రత్యేక ఆదాయ వనరు ఉంటే, యాజమాన్య వాటా ఆధారంగా క్లెయిమ్‌ను తీసివేయవచ్చు. భార్య వాటా మొత్తానికి పన్ను మినహాయింపు ఉంటుంది. భార్య ఇంటిని అద్దెకు ఇచ్చినప్పటికీ, గృహ రుణం యొక్క అసలు మొత్తంపై భార్య పన్ను మినహాయింపును పొందవచ్చు.

స్టాంప్ డ్యూటీలో మినహాయింపు:

చాలా మంది ఈ కారణంగా భార్య పేరు మీద ఇల్లు కొంటారు. దాదాపు అన్ని రాష్ట్రాలలో, ఒక మహిళ పేరు మీద ఉన్న ఇంటికి స్టాంప్ డ్యూటీ నుండి మినహాయింపు ఉంది. స్టాంప్ డ్యూటీ ఛార్జీల్లో ఒకటి నుంచి రెండు శాతం ఆదా చేసుకోవచ్చు. ఈ స్టాంప్ డ్యూటీ రుసుము ఒక్కో రాష్ట్రానికి భిన్నంగా ఉంటుంది. కొన్ని రాష్ట్రాల్లో భార్యాభర్తలిద్దరికీ ఒకే ఫీజు ఉంటుంది. కొన్ని రాష్ట్రాల్లో మహిళలకు మినహాయింపు ఉంది.

హోమ్ లోన్ వడ్డీపై తగ్గింపు:

మీరు ఇల్లు నిర్మించాలనుకున్నప్పుడు లేదా ఇల్లు కొనాలనుకున్నప్పుడు, మీరు గృహ రుణం కోసం వెళతారు. మగవారి పేరు మీద గృహ రుణం తీసుకోవడం కంటే స్త్రీ పేరు మీద గృహ రుణం పొందడం ఉత్తమం. ఎందుకంటే చాలా బ్యాంకులు పురుషుల కంటే మహిళలకే గృహ రుణ వడ్డీపై రాయితీలు ఇస్తున్నాయి. మహిళలకు ఒక శాతం వడ్డీ రాయితీ లభిస్తుంది. అన్ని బ్యాంకుల్లోనూ ఒకేలా ఉండదు. బ్యాంకు నుండి రుణం తీసుకునే ముందు, ఏ బ్యాంకు తక్కువ వడ్డీ రేటును ఆఫర్ చేస్తుందో తనిఖీ చేయండి. సిబిల్ స్కోర్‌పై కూడా నిఘా ఉంచండి. భార్య పేరు మీద రుణం తీసుకున్నట్లయితే, ఆమె సిబిల్ స్కోర్ కూడా ముఖ్యమే.