గ్యాప్ ఇస్తూ మరీ కరోనా మహమ్మారి ప్రజలను భయపెడుతోంది. ప్రతిసారి కొత్త రకంగా రూపాంతరం చెందుతూ.. కొత్త కొత్త వేరియంట్లతో వణికిస్తోంది. తాజాగా కొవిడ్ ఒమిక్రాన్ వేరియంట్ నుంచి ఈజీ.5.1 అనే పేరుతో మరో వేరియంట్ పుట్టుకొచ్చిందని.. యూకేలో ఆ కొత్త వేరియంట్ కేసులు వమోదవుతున్నాయని ఆ దేశ ఆరోగ్య విభాగం అధికారులు వెల్లడించారు. ప్రతి ఏడు కరోనా కేసుల్లో ఈ కొత్త వేరియంట్ కేసు ఒకటి ఉంటోందని తెలిపారు.
ప్రపంచవ్యాప్తంగా.. ముఖ్యంగా ఆసియాలో కొవిడ్ కేసులు పెరుగుతున్న తరుణంలో యుకేలో ఈ వేరియంట్ నమోదైందని యూకే హెల్త్ సెక్యూరిటీ ఏజెన్సీ- యూకేహెచ్ఎస్ఏ వెల్లడించింది. ఈ వేరియంట్ను జులై 31న EG.5.1గా వర్గీకరించారని చెప్పింది. దీన్ని ఎరిస్ (Eris) అనే పేరుతో కూడా పిలుస్తున్నారని.. ఈ పరివర్తనాన్ని కొత్త వేరియంట్గా ప్రకటించడం వల్ల.. డీటెయిల్డ్ క్యారెక్టరైజేషన్, విశ్లేషణకు వీలు కలుగుతుందని పేర్కొంది.
కొత్త వేరియంట్పై ప్రపంచ ఆరోగ్య సంస్థ అధ్యయనం చేస్తోంది. రెండు వారాలుగా ఈజీ.5.1ను ట్రాక్ చేస్తోంది. ప్రస్తుతానికి ఈ వైరస్తో తీవ్రమైన ముప్పు ఏమీ లేదని డబ్ల్యూహెచ్ఓ చీఫ్ టెడ్రోస్ అథనోమ్ పేర్కొన్నారు.
