మలేసియాలో ఘోర ప్రమాదం జరిగింది. చార్టర్ విమానం అదుపుతప్పి కూలిన ఘటనలో 10 మంది దుర్మరణం చెందారు. ఈ ఘటన కౌలాలంపుర్కు ఉత్తరాన ఉన్న హైవేపై చోటుచేసుకుంది. లంకావి అంతర్జాతీయ విమానాశ్రయం నుంచి సుల్తాన్ అబ్దుల్ అజీజ్ షా విమానాశ్రయానికి వెళ్తుండగా ప్రమాదవశాత్తు ఎక్స్ప్రెస్ వేపై కూలిపోయింది.
ఆ సమయంలో విమానంలో ఉన్న ఆరుగురు ప్రయాణికులతో పాటు ఇద్దరు సిబ్బంది మృతి చెందారు. ఈ విమానం ఎక్స్ప్రెస్ వేపై కూలడం వల్ల కారుతో పాటు బైక్ను ఢీ కొట్టిందని.. దీంతో మరో ఇద్దరు మరణించారు. ఈ విషయాన్ని ఎయిర్ పోర్టు అధికారులు ధ్రువీకరించారు.
ఇవాళ మధ్యాహ్నం 2.47 నిమిషాలకు సుబంగ్‌ ఎయిర్ ట్రాఫిక్ కంట్రోల్ టవర్‌కు తాము ప్రమాదంలో ఉన్నట్లు విమానం నుంచి సందేశం వచ్చిందని.. ఆ తర్వాత 2.48కి ఎమర్జెన్సీ లాండింగ్‌కు అనుమతి ఇచ్చినట్లు అధికారులు వివరించారు. సిగ్నల్ ఇచ్చిన మూడు నిమిషాలకే 2. 51 నిమిషాల సమయంలో విమానం రహదారిపై కూలిందని తెలిపారు. ప్రమాదానికి గల కారణాన్ని తెలుసుకునేందుకు విమానం బ్లాక్ బాక్స్ను వెతుకుతున్నట్లు పేర్కొన్నారు.
