రష్యా – ఉక్రెయిన్ మధ్య యుద్ధం దాదాపుగా రెండేళ్ల నుంచి కొనసాగుతోంది. ఉక్రెయిన్‌పై దురాక్రమణ కొనసాగిస్తున్న రష్యా.. ఆ దేశానికి మద్దతుగా నిలిచే వారిపై కఠినంగా వ్యవహరిస్తోంది. ఉక్రెయిన్‌కు సాయం చేసే ఓ స్వచ్ఛంద సంస్థకు విరాళాలిచ్చిన మహిళను కఠినంగా శిక్షించింది. కేవలం 51 డాలర్లు (సుమారు రూ.4200) ఇచ్చిన కేసులో ఆమెను దోషిగా తేల్చి.. 12ఏళ్ల జైలు శిక్ష విధించింది రష్యా కోర్టు.
రష్యాకు చెందిన సేనియా ఖవానా (33)అమెరికా వ్యక్తిని వివాహం చేసుకొని లాస్‌ ఏంజెలెస్‌లో స్థిరపడింది. కొంతకాలం క్రితం ఫ్యామిలీని చూసేందుకు స్వస్థలానికి వచ్చిన ఆమెను ఉక్రెయిన్ సంస్థలకు ప్రయోజనం కలిగించేలా పని చేస్తున్న అమెరికాకు చెందిన ఓ స్వచ్ఛంద సంస్థ కోసం విరాళాలు సేకరిస్తున్నట్లు రష్యా అధికారులు గుర్తించి ఈ ఏడాది ఫిబ్రవరిలో ఆమెను అరెస్టు చేసిన అధికారులు విచారణ చేపట్టారు. ఇందులో భాగంగా 51 డాలర్ల నగదును ఆ స్వచ్ఛంద సంస్థకు బదిలీ చేసినట్లు ఆమె అంగీకరించడంతో దేశద్రోహం కింద అభియోగాలు మోపిరష్యా కోర్టు ఆమెకు 12ఏళ్ల జైలు శిక్ష విధించింది.
