నేచురల్ స్టార్ నాని హీరోగా వివేక్ ఆత్రేయ దర్శకత్వంలో తెరకెక్కుతోన్న చిత్రం ‘సరిపోదా శనివారం’ .ఈ చిత్రం ఫస్ట్ గ్లింప్స్ కి ప్రేక్షకుల నుంచి మంచి స్పందన వచ్చింది . యాక్షన్ థ్రిల్లర్ డ్రామాగా ఈ సినిమా తెరకెక్కుతుంది.ఈ చిత్రానికి సంబంధించి షూటింగ్ సాగుతోంది. ఇందుకు సంబంధించి మార్చి 18 నుండి నెక్స్ట్ షూటింగ్ షెడ్యూల్ ఉన్నట్లు తెలుస్తోంది.. ఈ షెడ్యూల్ లో హీరో నానితో సహా మిగతా నటీనటులు కూడా పాల్గొనేలా చిత్ర యూనిట్ ప్లాన్ చేసింది. ఈ షెడ్యూల్ లో పవర్ ప్యాకెడ్ యాక్షన్ సీన్స్ కొన్ని షూటింగ్ చేయ నున్నారు. ఈ సన్నివేశాలే సినిమాకు హైలైట్ గా ఉండబోతున్నాయి.
ఈ చిత్రంలో ప్రియాంక మోహన్ కథానాయికగా నటిస్తుంది. ఎస్‍జే సూర్య ఈ సినిమాలో కీలక పాత్ర పోషిస్తున్నారు.డీవీవీ దానయ్య, కళ్యాణ్ దాసరి సంయుక్తంగా నిర్మిస్తున్నారు.ఎస్ జె సూర్య కీలక పాత్రలో నటిస్తున్నాడు. ఈ సినిమాకి జేక్స్ బిజోయ్ సంగీతం అందిస్తున్నారు.నాని,వివేక్ కాంబినేషన్‍లో వచ్చిన ‘అంటే సుందరానికి’ మూవీ కమర్షియల్‍గా ఆశించిన స్థాయిలో హిట్ కాకపోయినా.. మంచి చిత్రంగా గుర్తింపు తెచ్చుకుంది.మిగిలిన రోజుల్లో సాదాసీదాగా ఉంటూ.. శనివారం మాత్రమే శక్తిమంతుడిగా కనిపించే భిన్నమైన కథాంశంతో రానుంది.
