అమరావతి: రాజకీయ లబ్ది కోసం తెలంగాణ నాయకులు అనుచిత వ్యాఖ్యలు చేస్తే తెలంగాణ ప్రజలే బుద్ధి చెబుతారని మంత్రి బొత్స సత్యనారాయణ అన్నారు. మీడియాతో మాట్లాడుతూ ఆయన తెలంగాణతో జలవివాదంపై సీరియస్ అయ్యారు. తెలంగాణ మంత్రుల్లా తాము అసభ్య పదజాలం ఉపయోగించాల్సిన అవసరం లేదన్నారు. నీటి పంపకాల వివాదం అంశంపై ఏపీ ప్రభుత్వం స్పష్టమైన వైఖరితో ఉందని చెప్పారు. తమ ప్రభుత్వం చేతులు ముడుచుకుని కూర్చోలేదని హెచ్చరించారు. ఫెడరల్ వ్యవస్థలో ఎవరి అధికారాలు వారికి ఉంటాయన్నారు.
