ఉమ్మడి మహబూబ్ నగర్ జిల్లాలోని కొల్లాపూర్‌లో గల RID విద్యాసంస్థ స్వర్ణోత్సవాలు ఘనంగా కొనసాగుతున్నాయి. నేడు రెండో రోజూ స్వర్ణోత్సవాల్లో ప్రభాత భేరి కార్యక్రమాన్ని నిర్వహించారు. ఈ ప్రభాతభేరిలో తెలంగాణ మంత్రి జూపల్లి కృష్ణారావు, హార్వర్డ్ యూనివర్సిటీ ప్రొఫెసర్ జయరాం రెడ్డి పాల్గొన్నారు. అదేవిధంగా బోనాలు, కోలాటాలతో స్వర్ణోత్సవ సంబురాలు జరగనున్నాయి.
కాగా, ఈ స్వర్ణోత్సవాలకు నేడు టాలీవుడ్ స్టార్ యంగ్ హీరో విజయ్‌ దేవరకొండ హాజరుకానున్నారు.ఇదిలాఉండగా స్వర్ణోత్సవాల్లో పాల్గోన్న మంత్రి జూపల్లి ఆర్‌ఐడీ విద్యాలయాలను మరికొద్ది సేపట్లో ప్రారంభించనున్నారు. ఆ తర్వాత ఆర్‌ఐడీ విజన్-2050 ఏవీ ఆవిష్కరించనున్నారు. పూర్వ విద్యార్థినుల ఆధ్వర్యంలో ప్యానల్ డిస్కషన్‌, ఆర్‌ఐడీ రత్న అవార్డుల ప్రదానోత్సవం జరగనుంది.
