నం రోజంతా ఉత్సాహంగా, ఆరోగ్యంగా ఉండాలంటే ఉదయం తీసుకునే ఆహారం, పానీయాలు చాలా ముఖ్యం. ప్రస్తుత కాలంలో రకరకాల ఇన్ఫెక్షన్లు, సీజనల్ వ్యాధులు మనల్ని త్వరగా చుట్టుముడుతున్నాయి. వీటన్నిటికీ చెక్ పెట్టాలంటే మనలో రోగనిరోధక శక్తి (ఇమ్యూనిటీ) బలంగా ఉండాలి. అందుకోసం ఖరీదైన మందులు అవసరం లేదు. మన ఇంట్లోనే దొరికే సహజసిద్ధమైన వస్తువులతో ఉదయాన్నే కొన్ని హెల్తీ డ్రింక్స్ తయారు చేసుకుని తాగితే చాలు, మీ ఆరోగ్యం సూపర్ బూస్ట్ అవుతుంది.
నిమ్మరసం, తేనెతో మ్యాజిక్: ఒక గ్లాసు గోరువెచ్చని నీటిలో అర చెక్క నిమ్మరసం, ఒక స్పూన్ తేనె కలిపి ఉదయం ఖాళీ కడుపుతో తీసుకోవాలి. ఈ సింపుల్ డ్రింక్ శరీరానికి అవసరమైన విటమిన్ ‘సి’ ని పుష్కలంగా అందిస్తుంది. ఇక ఇది బాడీలోని చెడు మలినాలను, టాక్సిన్లను బయటకు పంపేసి చర్మాన్ని మెరిసేలా చేస్తుంది. అలాగే ఉదయాన్నే శరీరానికి మంచి శక్తిని ఇచ్చి రోజంతా యాక్టివ్గా ఉంచుతుంది.
ఇన్ఫెక్షన్లను తరిమికొట్టే అల్లం టీ: అల్లాన్ని కొద్దిగా దంచి నీటిలో బాగా మరిగించాలి. ఆ తర్వాత ఆ నీటిని వడకట్టుకుని, కొద్దిగా తేనె కలుపుకుని తాగాలి. అల్లంలో ఉండే యాంటీ ఆక్సిడెంట్లు, యాంటీ ఇన్ఫ్లమేటరీ గుణాలు జలుబు, దగ్గు, గొంతు నొప్పి వంటి సమస్యల నుంచి తక్షణ ఉపశమనాన్ని ఇస్తాయి. ఇక ఇది శరీరంలో చేరే రకరకాల ఇన్ఫెక్షన్లతో పోరాడి ఇమ్యూనిటీని స్ట్రాంగ్ చేస్తుంది.
పసుపు, మిరియాల పవర్ఫుల్ కాంబినేషన్: గోరువెచ్చని నీటిలో కొద్దిగా పసుపు, ఒక చిటికెడు నల్ల మిరియాల పొడి కలిపి తాగడం వల్ల అద్భుతమైనఫలితాలు ఉంటాయి. పసుపులో ఉండే ‘కర్కుమిన్’ అనే పదార్థం సహజసిద్ధమైన రోగనిరోధక శక్తిని పెంచుతుంది. అయితే, పసుపు గుణాలను శరీరం త్వరగా గ్రహించాలంటే దానికి మిరియాల పొడి తోడవాల్సిందే. ఇక ఈ కాంబినేషన్ లంగ్స్ ఆరోగ్యానికి కూడా చాలా మంచిది.
ఇక ఆరోగ్యకరమైన అలవాట్లే మనల్ని దీర్ఘకాలం పాటు ఫిట్గా ఉంచుతాయి. ఉదయాన్నే లేవగానే కాఫీ, టీలు తాగే అలవాటు ఉన్నవారు, వాటి స్థానంలో ఇలాంటి హెల్తీ డ్రింక్స్ను చేర్చుకోవడం మంచిది. ఇవి కేవలం రోగనిరోధక శక్తిని పెంచడమే కాకుండా, జీర్ణక్రియను మెరుగుపరిచి బరువు తగ్గడానికి కూడా చక్కగా సహాయపడతాయి.
గమనిక: మీకు గ్యాస్ట్రిక్, అల్సర్ లేదా తీవ్రమైన అలర్జీ సమస్యలు ఉంటే, ఉదయాన్నే ఖాళీ కడుపుతో ఇలాంటి డ్రింక్స్ తీసుకునే ముందు ఒకసారి మీ వ్యక్తిగత వైద్యులను సంప్రదించి సలహా తీసుకోవడం చాలా ఉత్తమం.
