అక్కినేని నాగార్జున వారసుడిగా ఇండస్ట్రీలోకి అడుగు పెట్టిన నాగచైతన్య మొదటి రెండు చిత్రాలతో మంచి విజయాన్ని సొంతం చేసుకున్నాడు. ఆ తరువాత కథల ఎంపిక విషయంలో తప్పటడుగులు వేసిన నాగచైతన్య తన కెరియర్ ను అర్ధాంతరంగా నిలిపేసుకున్నాడు. కానీ ఆ తర్వాత ఎలాగైనా సరే విజయాన్ని సాధించాలని మజిలీ సినిమాని తెరకెక్కించడం జరిగింది. ఆ సినిమా మంచి విజయాన్ని అందించింది. ఇక కమర్షియల్ గా మంచి విజయాన్ని అందించిన సినిమా అయితే కేవలం లవ్ స్టోరీ మాత్రమే అని చెప్పాలి. శేఖర్ కమ్ముల దర్శకత్వంలో సాయి పల్లవి హీరోయిన్గా వచ్చిన ఈ సినిమా భారీ విజయాన్ని అందుకోవడమే కాకుండా నాగచైతన్యకు భారీ బ్లాక్ బస్టర్ విజయాన్ని అందించింది.
ఇక ఈ సినిమా తర్వాత సోగ్గాడే చిన్నినాయన సినిమాకు సీక్వల్ గా తెరకెక్కించిన బంగార్రాజు సినిమా లో నటించగా.. అది కూడా భారీ విజయాన్ని అందుకుంది. ఇప్పుడు తమిళ డైరెక్టర్ వెంకట ప్రభూ దర్శకత్వంలో కస్టడీ అనే సినిమాను తెరకెక్కించబోతున్నారు. ఇప్పటికే ఈ సినిమాకు సంబంధించిన పోస్టర్లు, టీజర్లు అన్నీ కూడా ప్రేక్షకులను విపరీతంగా ఆకట్టుకున్నాయి. ఇకపోతే ఎట్టకేలకు ఈ సినిమా రిలీజ్ డేట్ చిత్ర బృందం విడుదల చేసింది.. వచ్చే ఏడాది మే 12వ తేదీన ప్రపంచవ్యాప్తంగా ఉన్న అన్ని థియేటర్లలో విడుదల చేయాలని సన్నహాలు సిద్ధం చేస్తున్నట్లుగా కూడా మేకర్స్ ప్రకటించారు.
ఇందులో కృతి శెట్టి హీరోయిన్ గా నటిస్తుండగా అరవిందస్వామి, ప్రియమణి, శరత్ కుమార్, వెన్నెల కిషోర్ తదితరులు కీలకపాత్రలు పోషిస్తున్నారు. తమిళ్ అలాగే తెలుగు భాషలలో ఏకకాలంలో రిలీజ్ కాబోతున్న ఈ సినిమాకి ఇళయరాజా కొడుకు యువన్ శంకర్ రాజా మ్యూజిక్ అందిస్తున్నారు. ఈ సినిమా నుంచి విడుదలైన పోస్టర్లు ప్రేక్షకులలో భారీ అంచనాలను రేకెత్తిస్తున్నాయి. మరి ఈ సినిమాతో నాగచైతన్య ఎలాంటి విజయాన్ని తన ఖాతాలో వేసుకోబోతున్నారో తెలియాల్సి ఉంది.
