స్కూల్ బస్సు-కారు ఢీ కొన్న ఘటనలో ఆరుగురు దుర్మరణం చెందారు. ఈ ఘోర ప్రమాదం ఉత్తర్ ప్రదేశ్ రాష్ట్రంలోని గాజియాబాద్లో మేరఠ్-దిల్లీ ఎక్స్ప్రేస్వేపై చోటు చేసుకుంది. మృతుల్లో ఇద్దరు చిన్నారులు సహా మహిళలు కూడా ఉన్నారు. గమనించిన వాహనదారులు పోలీసులకు సమాచారం అందించారు. సమాచారం అందుకున్న పోలీసులు.. హుటాహుటిన ఘటనా స్థలానికి చేరుకుని సహాయక చర్యలు చేపట్టారు.
పాఠశాల బస్సు రాంగ్ రూట్లో అతి వేగంగా రావడమే ప్రమాదానికి కారణమని పోలీసులు తెలిపారు. బస్సులో పిల్లలు లేకపోవడం వల్ల పెను ప్రమాదం తప్పిందని చెప్పారు. కానీ కారులో ప్రయాణిస్తున్న వారిలో మాత్రం ఆరుగురు దుర్మరణం చెందినట్లు వెల్లడించారు. మృతుల్లో ఇద్దరు పిల్లలు ఉన్నట్లు వివరించారు.
“దిల్లీ-మేరఠ్ ఎక్స్ప్రెస్వేపై ఇవాళ ఉదయం 6 గంటలకు గాజీపుర్ వద్ద బస్సులో సీఎన్జీ నింపించుకున్న డ్రైవర్ రాంగ్ రూట్లో వస్తున్నాడు. ఈ క్రమంలోనే మేరఠ్ నుంచి వస్తున్న ఓ కారును ఢీ కొట్టింది. ఈ ప్రమాదంలో ఆరుగురు మృతి చెందగా.. ఇద్దరు తీవ్రంగా గాయపడ్డారు. బస్సు డ్రైవర్ను అదుపులోకి తీసుకున్నాం. బస్సు డ్రైవర్ రాంగ్ రూట్లో రావడమే ప్రమాదానికి ప్రధాన కారణం.”
– రమానంద్ కుశ్వహ, ఏడీసీపీ ట్రాఫిక్
