బాలీవుడ్ అగ్ర నటి దీపికా పదుకొణె ఇప్పుడు కేవలం నటి మాత్రమే కాదు, దేశానికి మానసిక ఆరోగ్యం యొక్క ప్రాముఖ్యతను తెలియజేసే అధికారిక ప్రతినిధి. తన జీవితంలో ఎదురైన డిప్రెషన్ అనే సవాలును ధైర్యంగా అధిగమించి, ‘లివ్ లవ్ లాఫ్’ ఫౌండేషన్‌ను స్థాపించిన దీపికను, భారత కేంద్ర ఆరోగ్య & కుటుంబ సంక్షేమ మంత్రిత్వ శాఖ దేశంలోనే మొట్టమొదటి మానసిక ఆరోగ్య రాయబారిగా (Mental Health Ambassador) నియమించింది. మరి మానసిక ఆరోగ్య రాయమారిగా దీపికా ఎంపిక గురించి తెలుసుకుందాం ..
ఆమె ప్రొఫెషనల్ మూవీ ఎంపికలపై, ముఖ్యంగా ఎనిమిది గంటల పని దినం గురించి ఆమె చేసిన మునుపటి వ్యాఖ్యల చుట్టూ ఏర్పడిన వివాదంపై చాలా కాలంగా మౌనం వహించారు. నెలల తరబడి కొనసాగిన ఈ మౌనం తరువాత దీపికా ఎట్టకేలకు దీనిపై స్పందించారు. ఆమె తన నిర్ణయాలు మరియు కెరీర్ ఎంపికలు అన్నీ మానసిక ఆరోగ్యానికి ప్రాధాన్యత ఇవ్వడంలోనే పాతుకుపోయాయని స్పష్టం చేశారు.
పని విషయంలో లేదా వ్యక్తిగత జీవితంలో తీసుకునే ప్రతి నిర్ణయం, తన మానసిక ప్రశాంతతకు మరియు శ్రేయస్సుకు భంగం కలిగించకుండా ఉండాలని ఆమె తెలిపారు. అంటే ఒక వ్యక్తి యొక్క వృత్తిపరమైన లక్ష్యాలు మరియు మానసిక ఆరోగ్యాన్ని పరిరక్షించుకోవాలనే లక్ష్యం ఒకదానికొకటి విరుద్ధం కావాల్సిన అవసరం లేదు అనే సందేశాన్ని ఆమె పరోక్షంగా ఇచ్చారు.
అగ్ర నటిగా, తనపై ఉన్న బాధ్యతను గుర్తిస్తూ మానసిక ఆరోగ్యం గురించి నిరంతరం మాట్లాడటానికి, అవగాహన కల్పించడానికి ఈ రాయబారి హోదా ఒక గొప్ప వేదిక అని ఆమె నొక్కి చెప్పారు. ఈ ఎంపిక ఆమె కృషికి గుర్తింపునివ్వడమే కాక, మానసిక ఆరోగ్యం జాతీయ స్థాయిలో చర్చనీయాంశం కావడానికి దోహదపడుతుంది.
దీపికా పదుకొణె మానసిక ఆరోగ్య రాయబారిగా నియమించబడటం ఆమె వ్యక్తిగత అనుభవాన్ని ప్రజాదరణను ఉపయోగించి, దేశానికి సేవ చేయడానికి లభించిన ఒక అద్భుత అవకాశం. వివాదాలపైన ఆమె స్పందన స్వీయ-సంరక్షణ, మానసిక శ్రేయస్సుకు ప్రాధాన్యత ఇవ్వడం ఎంత ముఖ్యమో తెలియజేస్తుంది.
