టీమిండియా మరో పోరుకు సిద్ధమైంది. వన్డే ప్రపంచకప్ 2023 ఫైనల్ పరాజయం మరవకముందే టీమిండియా మరో ఆసక్తికర పోరుకు సిద్ధమైంది. వరల్డ్ కప్ 2023 ఛాంపియన్ ఆస్ట్రేలియాతో సొంత గడ్డపై ఐదు 20ల సిరీస్ ఆడనుంది. ఈ సిరీస్ లో భాగంగా తొలి మ్యాచ్ వైజాగ్ వేదికగా గురువారం జరగనుంది. ఇరుజట్లలో సీనియర్ ఆటగాళ్లు దూరమయ్యారు.
టీమిండియా అయితే పూర్తిగా కుర్రాళ్లతో బరిలోకి దిగుతోంది. ప్రపంచకప్ ఆడిన ప్రధాన జట్టులో సూర్యకుమార్ యాదవ్ ఒక్కడే ఈ సిరీస్ లో కొనసాగుతున్నాడు. అయితే ఈ మ్యాచ్ కు వర్షగండం పొంచి ఉంది. మధ్యాహ్నం అనంతరం వర్షం పడే అవకాశాలు ఉన్నాయని వైజాగ్ వాతావరణశాఖ పేర్కొంది. సాధారణంగా ఈ పిచ్ బ్యాటింగ్ కు అనుకూలంగా ఉంటుంది. కాగా, గురువారం రాత్రి 7 గంటలకు ఈ మ్యాచ్ ప్రారంభం కానుంది. కాగా, సూర్యకుమార్ యాదవ్ నడిపించనుండగా… ఆస్ట్రేలియాకు మాథ్యు వేడ్ సారథ్యం వహిస్తున్నాడు.
