IPL 2023 : గుజరాత్ టైటాన్స్ తో మ్యాచ్ అనంతరం చిన్నస్వామి స్టేడియంలో అభిమానులకు RCB ఆటగాళ్లు ధన్యవాదాలు తెలిపారు. గ్రౌండ్ మొత్తం తిరుగుతూ తమకు సపోర్ట్ చేసిన ఫ్యాన్స్ కు చప్పట్లతో కృతజ్ఞతలు తెలిపారు. అనంతరం GT యంగ్ ప్లేయర్లకు విరాట్ కోహ్లీ పలు సలహాలు ఇచ్చారు. రషీద్ ఖాన్… జెర్సీపై కోహ్లీ ఆటోగ్రాఫ్ తీసుకున్నారు. ఈ వీడియోను ఐపీఎల్ యాజమాన్యం ట్విట్టర్ లో పోస్ట్ చేసింది.
కాగా, IPL-2023లో గుజరాత్, CSK, LSG, ముంబై ప్లే ఆఫ్స్ కు చేరుకున్నాయి. పాయింట్స్ టేబుల్ లో టాప్-2లో ఉన్న GT, CSK ఈ నెల 23న చెన్నైలో క్వాలిఫైయర్-1 మ్యాచ్ ఆడనున్నాయి. 3,4 స్థానాల్లో ఉన్న LSG, MI ఈ నెల 24న చెన్నైలో ఎలిమినేటర్ మ్యాచులో తలపడనున్నాయి. ఈనెల 26న క్వాలిఫైయర్-2, ఈనెల 28న ఫైనల్ మ్యాచ్ లు జరగనున్నాయి.
