ఏప్రిల్ నెల నేటితో ముగిసిపోయింది.. రేపటి తో మే నెల మొదలు కాబోతున్న సంగతి తెలిసిందే.. జీఎస్టీ, మ్యూచువల్ ఫండ్స్ మొదలగు వాటిలో మార్పులు వచ్చాయి.. అవేంటో ఇప్పుడు తెలుసుకుందాం..
*. కేంద్ర ప్రభుత్వం ప్రతి నెలా ఎల్‌పీజీ, సీఎన్‌జీ, పీఎన్‌జీ రేట్లను సవరిస్తుంది. గత నెల లో వాణిజ్య సిలిండర్ల ధరలను రూ.91.50 మేర తగ్గించింది. ప్రస్తుతం ఢిల్లీలో వాణిజ్య సిలిండర్ ధర రూ.2028 ఉంది. ప్రభుత్వం మే 1న ధరలను మార్చవచ్చు..
*. కేవైసీ చేసిన ఈ-వాలెట్ల నుంచి మాత్రమే నగదును అంగీకరించాలని మార్కెట్ రెగ్యులేటర్ సెబీ మ్యూచువల్ ఫండ్స్ కంపెనీలను ఆదేశించింది. అంటే మీ ఈ-వాలెట్ కేవైసీ కాకపోతే మీరు దాని ద్వారా మ్యూచువల్ ఫండ్స్ లో పెట్టుబడి పెట్టలేరు. ఈ నిబంధన కూడా మే 1 నుంచి అమల్లోకి రానుంది…
*. పంజాబ్‌ నేషనల్‌ బ్యాంక్‌ ఏటీఎం లావాదేవీలకు సంబంధించి కొత్త చార్జీలు కూడా మే 1 నుంచి అమల్లోకి రానున్నాయి. ఖాతాల్లో బ్యాలెన్స్‌ లేని కారణంగా ఏటీఎంలలో లావాదేవీలు విఫలమైతే రూ.10 తో పాటు అదనపు చార్జీలను భరించాలి..
*. ఇకపోతే జీఎస్టీ ఇన్వాయిస్ ల అప్‌లోడ్‌కు సంబంధించి మే 1 నుంచి కొత్త రూల్ అమలవుతుంది. ఈ రూల్ ప్రకారం.. రూ. 100 కోట్ల కంటే ఎక్కువ టర్నోవర్ ఉన్న కంపెనీలు తమ లావాదేవీల రసీదులను ఇన్వాయిస్ రిజిస్ట్రేషన్ పోర్టల్ లో ఏడు రోజుల వ్యవధిలో అప్‌లోడ్ చేయాలి.. ఇప్పటివరకు అయితే ఎటువంటి అదనపు చార్జీలు అయితే లేవు..
