మొబైల్స్ త‌యారీదారు వ‌న్‌ప్ల‌స్ త‌న వ‌న్‌ప్ల‌స్ 7టి ప్రొ స్మార్ట్ ఫోన్ ధ‌ర‌ను రూ.4వేల మేర త‌గ్గించింది. ఈ ఫోన్ ఇప్ప‌టి వ‌ర‌కు రూ.47,999 ధ‌ర‌కు ల‌భ్యం కాగా.. ఇక‌పై దీన్ని రూ.43,999 ధ‌ర‌కే కొనుగోలు చేయ‌వ‌చ్చు. ఈ క్ర‌మంలో త‌గ్గిన ధ‌ర‌కే ప్రస్తుతం ఈ ఫోన్‌ను విక్ర‌యిస్తున్నారు. కాగా ఈ ఫోన్ 8జీబీ ర్యామ్, 256 జీబీ స్టోరేజ్ మోడ‌ల్‌లో ల‌భిస్తోంది.
ఐసీఐసీఐ క్రెడిట్‌, డెబిట్ కార్డులు ఉన్న‌వారు ఈ ఫోన్‌పై అద‌నంగా మ‌రో రూ.3వేల వ‌ర‌కు ఇన్‌స్టంట్ డిస్కౌంట్‌ను పొంద‌వ‌చ్చు. దీంతో ఈ ఫోన్ రూ.40,999 ధ‌ర‌కే ల‌భిస్తుంది. ఈ ఫోన్‌ను వ‌న్‌ప్ల‌స్ ఆన్‌లైన్ స్టోర్‌లో కొనుగోలు చేసిన వారికి వ‌న్‌ప్ల‌స్ కార్బ‌న్/శాండ్ స్టోన్ ప్రొటెక్టివ్ కేస్‌ను ఉచితంగా అందిస్తోంది.
వ‌న్‌ప్ల‌స్ 7టి ప్రొ ఫోన్‌లో.. 6.67 ఇంచుల డిస్‌ప్లే, 90 హెడ్జ్ రిఫ్రెష్ రేట్‌, స్నాప్ డ్రాగ‌న్ 855 ప్ల‌స్ ప్రాసెస‌ర్‌, లిక్విడ్ కూలింగ్ టెక్నాల‌జీ, ఆండ్రాయిడ్ 10 ఓఎస్‌, 48, 16, 8 మెగాపిక్స‌ల్ బ్యాక్ కెమెరాలు, 16 మెగాపిక్స‌ల్ ఫ్రంట్ కెమెరా, గొరిల్లా గ్లాస్ ప్రొటెక్ష‌న్‌, డాల్బీ అట్మోస్‌, ఇన్ డిస్‌ప్లే ఫింగ‌ర్ ప్రింట్ సెన్సార్‌, 4085 ఎంఏహెచ్ బ్యాట‌రీ.. త‌దిత‌ర ఫీచ‌ర్ల‌ను అందిస్తున్నారు.
