రేపు ఉమ్మడి నల్గొండ జిల్లాలో పర్యటించనున్న పవన్ కల్యాణ్

జనసేన పార్టీ అధ్యక్షుడు పవన్ కళ్యాణ్ ఈ నెల 20న(శుక్రవారం) రోజున ఉమ్మడి నల్గొండ జిల్లాలో పర్యటించనున్నారు. తన పర్యటనలో భాగంగా ఇటీవల ప్రమాదంలో మరణించిన జనసేన కార్యకర్తల కుటుంబాలను ఆయన పరామర్శించనున్నారు. ఉమ్మడి నల్గొండ జిల్లా చౌటుప్పల్, కోదాడలో పవన్ కళ్యాణ్ పర్యటనకు ఏర్పాట్లు మొదలైనట్లు ఆయన రాజకీయ కార్యదర్శి పేరిట ప్రకటన విడుదలైంది. మృతుల కుటుంబాలకు రూ. 5 లక్షల చొప్పున పవన్ కళ్యాణ్ ఆర్థిక సాయం అందిస్తారని ఈ ప్రకటనలో పేర్కొన్నారు.

రేపు పవన్ కళ్యాణ్ హైదరాబాద్ లో బయలుదేరి.. మెట్టుగూడ అంబేద్కర్ చౌరస్తా, ఎల్బీనగర్ మీదుగా చౌటుప్పల్ సమీపంలోని లక్కారం గ్రామం చేరుకుంటారు. అక్కడ కొంగర సైదులు కుటుంబాన్ని పరామర్శించారు. అక్కడి నుండి బయల్దేరి కోదాడ కి వెళ్లి కడియం శ్రీనివాసరావు కుటుంబాన్ని పవన్ పరామర్శిస్తానని ఆ ప్రకటనలో పేర్కొన్నారు.