నేడు స్టార్ హీరో కమల్ హాసన్ పుట్టిన రోజు సందర్భంగా ఆయన ఫ్యాన్స్ దేశ వ్యాప్తంగా సంబరాలు చేస్తుంటే.. ఈరోజే చెన్నైలోని కమల్ హాసన్ ఇంటి ముందు ధర్నాకు దిగారు. దీంతో పుట్టిన రోజు వేళ హీరో కమల్ హాసన్ ఇంటి వద్ద ఉద్రిక్తత పరిస్థితులు నెలకొన్నాయి. కమల్‌హాసన్‌ ఇంటి ఎదుట భారీ ఎత్తున ముస్లింల ధర్నా కొనసాగుతుంది. అయితే తాజాగా వచ్చిన అమరన్‌ సినిమాలో ముస్లింలను ఉగ్రవాదులుగా చూపారని ధర్నా చేస్తున్న వారు ఆరోపిస్తున్నారు.
అలాగే సినిమాలోని కొన్ని అభ్యంతరకర సన్నివేశాలు తొలగించాలని ధర్నా చేస్తున్న వారు డిమాండ్ చేస్తున్నారు. అలాగే కమల్ హాసన్ ఇంటిముందే ఆయన దిష్టిబొమ్మ దహనం చేసారు. దాంతో ఆందోళనకారులను పోలీసులు అరెస్ట్ చేసారు. ఇక తాజాగా శివకార్తికేయ హీరోగా సాయి పల్లవి హీరోయిన్ గా నటించిన అమరన్‌ రిలీజ్ అయ్యి సూపర్ హిట్ గా నిలిచింది. ఇక ఓ జవాన్ యొక్క నిజ జీవితం ఆధారంగా వచ్చిన ఈ అమరన్‌ సినిమాను కమల్ హాసన్ ప్రొడ్యూస్ చేసారు.
