చత్తీస్‌గఢ్ ప్రభుత్వం కీలక నిర్ణయం తీసుకుంది. ‘గోధన్ న్యాయ్ యోజన’ పథకం కింద ఆవుల పేడ, గోమూత్రం కొనుగోలు చేయనుంది. అయితే ఆవు పేడను కొనుగోలు చేస్తున్న ప్రభుత్వం.. ఆ జాబితాలో గో మూత్రం కొనుగోలు చేయాలని యోచిస్తోంది. పశువుల పెంపకాన్ని పెంచడానికి, ఆర్థిక లాభదాయకంగా మార్చడంలో భాగంగా ఈ నిర్ణయం తీసుకుంది. రైతులు, పశువుల యజమానుల నుంచి లీటర్ గో మూత్రానికి రూ.4 చెల్లించి కొనుగోలు చేసేందుకు చత్తీస్‌గఢ్ ప్రభుత్వం సిద్ధమైంది.
పైలెట్ ప్రాజెక్ట్‌ లో భాగంగా ఈ పథకాన్ని ప్రవేశపెట్టనున్నట్లు సీఎం భూపేశ్ భఘేల్ సలహాదారుడు ప్రదీప్ శర్మ తెలిపారు. ఇప్పటికే ఆవు పేడను కిలోకు రూ.1.5 చెల్లించి సేకరిస్తోంది. ఈ ఆవు పేడను వర్మీకంపోస్ట్ చేస్తోంది. అలాగే గోమూత్రాన్ని సేంద్రీయ ఎరువులు, పురుగుల మందులు, ఫంగిసైడ్స్(శిలింధ్రాలు) తయారు చేయనున్నట్లు ప్రభుత్వం వెల్లడించింది. రసాయన ఎరువుల కంటే.. సేంద్రీయ ఎరవుల వాడకంతో వ్యవసాయం వృద్ధి చెందుతుంది.
