సామాన్యుడు ఎంతగానో అభిమానించే… రైల్వే ప్రయాణ ఖర్చు మరింత పెరిగే అవకాశాలు కనపడుతున్నాయి. జాతీయ మీడియాలో ఈ మేరకు కథనాలు కూడా వచ్చాయి. వివరాల్లోకి వెళితే… 2017-18 సంవత్సరానికి గానూ కాగ్ (కంప్ట్రోలర్ అండ్ ఆడిటర్ జనరల్) సమర్పించిన నివేదిక ఆధారంగా… గత పదేళ్ళలో భారతీయ రైల్వే భారీగా ఆదాయం కోల్పోయిందని తెలుస్తుంది. ఆదాయ వనరులు ఉన్నా గాని వాటి నుంచి ఆదాయం రావడం లేదని కాగ్ పేర్కొంది. ఇక రైల్వేలు రూ.100 సంపాదించడానికి రూ.98.44 ఖర్చు చేస్తున్నాయని హేప్పింది. 
ప్యాసింజర్ సర్వీసులు, కోచింగ్ సర్వీసుల నిర్వహణ కోసం సరకు రవాణా వల్ల వచ్చే ఆదాయంలో 95 శాతం ఖర్చు చేస్తోందని, ప్రకటనలు మరియు స్టేషన్ పునరాభివృద్ధి నుండి ఛార్జీలు కాని ఆదాయాన్ని పెంచే చర్యలు ఉన్నప్పటికీ, ఈ వనరుల నుండి వచ్చే ఆదాయాలు కూడా గణనీయంగా లేవు. ఏడు నెలల కాలంలో మొత్తం ఆదాయాలు 1,18,634.69 కోట్ల రూపాయలుగా అంచనా వేయగా, రైల్వే 99,222.72 కోట్ల రూపాయలు మాత్రమే సంపాదించింది, ఇది రూ .19,411.97 కోట్ల కొరతగా ఉందని కాగ్ పేర్కొంది.
గత ఏడాది ఇదే కాలంలో ఆర్థిక ఆదాయంతో పోల్చితే ప్రస్తుత సంవత్సర ఆదాయం 571.47 కోట్ల రూపాయలు తగ్గింది. ఏప్రిల్-అక్టోబర్ 2018 లో, జాతీయ రవాణాదారు ఆదాయాలు రూ .99,794.19 కోట్లు గా ఉంది. దీనితో భారతీయ రైల్వే ఇప్పుడు ధరల పెంపుకి సిద్దమైనట్టు తెలుస్తుంది. రైలు టిక్కెట్ రేట్లను 5 నుంచి 10 శాతం పెంచే అవకాశాలు ఉన్నాయని, కొన్ని రాయితీలను కూడా రైల్వేలు తొలగించే అవకాశాలు ఉన్నాయని అంటున్నారు. మోడీ ప్రధాని అయిన తర్వాత జూన్ 25, 2014 లో ప్రయాణీకుల ఛార్జీలను 14.2%, సరుకు రవాణా ఛార్జీలను 6.5 శాతం పెంచారు.
