కర్మ ఎవరిని వదిలి పెట్టదు అంటూ కేటీఆర్ పై బీజేపీ ఎమ్మేల్యే రాజా సింగ్ కీలక వ్యాఖ్యలు చేసారు. అలాగే కాంగ్రెస్, BRS ప్రభుత్వాలు నాపై తప్పుడు కేసులు పెట్టి, నన్ను జైలుకు పంపాయి. ఈ క్రమంలో KTR జైలుకు వెళ్లే ముందు ప్యాక్ చేయాల్సిన చిన్న చెక్‌ లిస్ట్ పెడుతున్న అంటూ తన ట్విటర్ లో పోస్ట్ చేసారు రాజా సింగ్.
అయితే రాజాసింగ్ పెట్టిన లిస్ట్ లో.. నాలుగు సెట్ల బట్టలు – కటకటాల వెనుక కూడా ఫ్యాషన్ ఉండాలి కదా. హాయిగా ఉండే దుప్పటి – జైలు సరిగ్గా హాయిగా ఉండదు. జైలులో కూడా టవల్ – పరిశుభ్రత ముఖ్యం. రుమాలు – నన్ను నమ్మండి, భావోద్వేగాలు ఉప్పొంగుతాయి. సబ్బు – ఆ “క్లీన్ ఇమేజ్”ని కొనసాగించడానికి. ఒక ప్యాకెట్ ఊరగాయ – ఎందుకంటే జైలు భోజనం ఫైవ్ స్టార్ కాదు. ఇక వెచ్చని స్వెటర్‌ను మర్చిపోవద్దు – శీతాకాలం ఎప్పుడూ లేనంత చల్లగా ఉంటుంది అని పేర్కొన్నారు. అలాగే ఇతరులను లక్ష్యంగా చేసుకోవడానికి అధికారాన్ని దుర్వినియోగం చేసేవారు చివరికి అనుభవించక తప్పదు. కర్మ ఎవరిని మర్చిపోదు, అది సరైన సమయం కోసం వేచి చూస్తుంది అని రాజా సింగ్ పేర్కొన్నారు.
