మరికొద్ది గంటల్లో ఆస్కార్ వేడుకలు ప్రారంభం కానున్నాయి. ప్రపంచమంతా ఈ వేడుకల కోసం ఎంతో ఉత్కంఠగా ఎదురుచూస్తోంది. ఈ ఏడాది వేడుకల కోసం తెలుగు ప్రేక్షకులు కూడా చాలా ఉత్సాహంగా ఎదురుచూస్తున్నారు. దానికి కారణం ఆస్కార్ బరిలో నాటు నాటు పాట కూడా ఉండటం. ఈ వేడుకల కోసం ఆర్ఆర్ఆర్ సినిమా బృందం అమెరికా వెళ్లింది. కుటుంబ సభ్యులతో లాస్ ఏంజెల్స్‌లో సందడి చేస్తోంది.
ఈ క్రమంలో ఆస్కార్ ప్రీ ఈవెంట్ పార్టీకి ఆర్ఆర్ఆర్ టీమ్ హాజరైంది. ఈ వేడుకలో హాలీవుడ్, బాలీవుడ్ తారలతో కలిసి సరదాగా గడిపింది. ఈ నేపథ్యంలోనే పలువురు బాలీవుడ్ తారలు ఆర్ఆర్ఆర్ హీరోలతో కలిసి ఫొటోలకు పోజులిచ్చారు.
మెగా పవర్ స్టార్ రామ్ చరణ్, తన సతీమణి ఉపాసనతో కలిసి జంజీర్ కోస్టార్, గ్లోబస్ స్టార్ ప్రియాంకా చోప్రాతో కలిసి ఫొటోకు పోజులిచ్చారు. మరోవైపు జూ.ఎన్టీఆర్ బాలీవుడ్ దివా ప్రీతి జింటాతో కలిసి పోజులిచ్చారు. ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి.
