ఐపీఎల్ టోర్నీ ముగియగానే భారత జట్టు ఆస్ట్రేలియా పర్యటనకు వెళ్లిన విషయం తెలిసిందే. అయితే ఆస్ట్రేలియా పర్యటనకు మొదట రోహిత్ శర్మను ఎంపిక చేయని బిసిసిఐ ఆ తర్వాత విమర్శలు రావడంతో ఎంపిక చేసింది. ఈ క్రమంలోనే రోహిత్ శర్మ ఏ స్థానంలో ఆడబోతున్నాడు అనేదానిపై ప్రస్తుతం ఆసక్తి నెలకొంది. ఇప్పటికే ఓపెనర్లుగా శిఖర్ ధావన్, కె.ఎల్.రాహుల్ ఫిక్స్ చేసినట్లు ప్రచారం జరుగుతోంది. ఈ నేపథ్యంలో భారత జట్టు ఓపెనర్ గా రంగంలోకి దిగే రోహిత్ శర్మ స్థానంలో ఆడబోతున్నాడు అనే దానిపై క్లారిటీ లేకుండా పోయింది.
అయితే తాజాగా రోహిత్ శర్మ తాను ఏ స్థానంలో బరిలోకి దిగుతాను అనే దాని పై ఆసక్తికర వ్యాఖ్యలు చేశాడు. ఆస్ట్రేలియా పర్యటనలో భాగంగా తాను ఏ స్థానంలో బరిలోకి దిగి బ్యాటింగ్ చేయడానికైనా సిద్ధంగా ఉన్నాను అంటూ చెప్పుకొచ్చాడు. గతంలో కూడా ఇదే విషయాన్ని చెప్పానని ప్రస్తుతం కూడా ఇదే విషయాన్ని చెబుతున్నానని జట్టు యాజమాన్యం తను ఏ స్థానంలో బ్యాటింగ్ చేసేందుకు పంపిస్తే ఆ స్థానంలో బ్యాటింగ్ చేస్తాడని జట్టు విజయానికి తప్పక కృషి చేస్తాను అంటూ చెప్పుకొచ్చాడు. ఇక జట్టులో తన ఓపెనర్ స్థానాన్ని మారుస్తారా లేదా అన్న విషయంపై తనకు క్లారిటీ లేదని… చెప్పుకొచ్చాడు రోహిత్ శర్మ.
