ఆంధ్రప్రదేశ్ రాష్ట్రంలో ప్రజలంతా కరోనా వైరస్ తో పోరాడుతుంటే అధికార పార్టీ నేతలు చేస్తున్న అత్యుత్సాహపు పనుల వల్ల కొన్ని పాజిటివ్ కేసులు నమోదు అవుతున్నాయి. శ్రీకాళహస్తి మరియు సూళ్లూరుపేట కి చెందిన ఎమ్మెల్యేలు చేసిన పనుల వల్ల సదరు నియోజకవర్గాలలో ఒక్కసారిగా పాజిటివ్ కేసులు ఒక్కసారిగా పెరిగిపోయాయి. తాజాగా ఇదే విధంగా రోజా తన నియోజక వర్గం పుత్తూరులో ఒక బోరు ఓపెనింగ్ కార్యక్రమానికి చేసిన హడావిడి వీడియో లో, లాక్ డౌన్ నిబంధనల ఉల్లంఘనలు స్పష్టంగా బయటపడ్డాయి. ఆ వీడియోలో ప్రజలంతా రోజా నడుస్తుంటే పూలతో ఆహ్వానించడం, గజమాలతో సత్కరించడం అన్ని బయటపడ్డాయి.
సోషల్ డిస్టెన్స్ మరియు అన్ని జాగ్రత్తలు తీసుకునే ఓపెనింగ్ కార్యక్రమం చేసినట్లు చెప్పుకొచ్చింది. ఇదే సమయంలో మరో పక్క ఇదంతా తెలుగుదేశం పార్టీ చేసిన కుట్ర అంటూ ప్రతిపక్షం పైకి నెపాన్ని వేసింది. అయితే ఈ సందర్భంలో టీవీ ఛానల్ లైవ్ ఇంటర్వ్యూ లో పలు ప్రశ్నలకు రోజా సమాధానం చెప్పలేక నీళ్లు నమిలింది. డిస్టెన్స్ పాటించకుండా భారీ గజమాలతో సత్కరించిన దానికి ఏమని సమాధానం చెబుతారు ?, అదేవిధంగా బోరు కూడా వేయించుకోలేని నిరు పేద ప్రజల దగ్గరికి పూలు ఎలా వచ్చాయి? అంటూ మీడియా యాంకర్లు వేస్తున్న ప్రశ్నలకు రోజా దగ్గర సమాధానాలు లేకుండా పోయాయి.
