ఆర్ఆర్ఆర్ ప్రపంచ వ్యాప్తంగా సంచలనం క్రియేట్ చేసింది. భారతీయ చలన చిత్ర పరిశ్రమలో గతంలో ఉన్న రికార్డులను తిరగరాస్తోంది. వడివడిగా వెయ్యి కోట్ల క్లబ్ లో చేరేందుకు శరవేగంగా దూసుకెళ్తోంది. ముఖ్యంగా జూనియర్ ఎన్టీఆర్, రామ్ చరణ్ నటన సినిమాకే హైలెట్ గా నిలుస్తోంది. ముఖ్యంగా కొమురం భీముడో సాంగ్ లో ఎన్టీఆర్ నటన ప్రేక్షకులకు కన్నీరు తెప్పిస్తోంది. తాజాగా ఈ సినిమాలో ఎన్టీఆర్ కు జోడీగా నటించిన విదేశీ భామ ఒలివియా మోరిస్ కూడా ఎన్టీఆర్ యాక్టింగ్ కి ఫిదా అయింది. 
ట్రిపుల్ ఆర్ సినిమాలో బ్రిటిష్ నటి ఒలివియా మోరిస్, జెన్నీఫర్ గా ఒదిగిపోయింది. ఎన్టీఆర్ నటన చూసి కన్నీళ్లు వచ్చాయని చెప్పింది ఈ బ్యూటీ. ఇటీవల తన బాయ్ ఫ్రెండ్ తో కలిసి ట్రిపుల్ ఆర్ చూసిన ఒలివియా మోరిస్ కొమురం భీం పాటలో తారక్ ను చూసి కన్నీళ్లు వచ్చాయని అన్నారు. ఆ పాటలో సన్నివేశాలకు భావోద్వేగానికి గురయ్యా అని చెప్పుకొచ్చింది. ఎన్టీఆర్ అద్భుతమైన వ్యక్తి అని… సింగిల్ టేక్ ఆర్టిస్ట్ అని ప్రశంసలు కురిపించింది. నాటు నాటు సాంగ్ నాకెంతో ఇష్టమని… నా బాయ్ ఫ్రెండ్ ఈ సాంగ్ కు డ్యాన్స్ ట్రై చేస్తున్నారని చెప్పింది.
