ఆర్ ఆర్ ఆర్ రిలీజ్ డేట్ వచ్చేసిందోచ్..

భారతీయ సినిమా అభిమానులు ఎంతగానో ఎదురుచూస్తున్న తరుణం రానే వచ్చింది. వెండితెరపై ఇద్దరు వీరుల విజయగాధను తిలకించే సమయం ఎప్పుడెప్పుడా అని ఎదురుచూస్తున్న జనాలకి, కావాల్సిన అప్డేట్ వచ్చేసింది. తెలుగు సినిమాని ప్రపంచానికి పరిచయం చేసిన రాజమౌళి దర్శకత్వం వహిస్తున్న ఆర్ ఆర్ ఆర్ రిలీజ్ డేట్ వచ్చేసింది. 2021 అక్టోబర్ 13వ తేదీన ఆర్ ఆర్ ఆర్ విడుదల అవుతుందంటూ చిత్రబృందం అధికారికంగా ప్రకటించింది.

రామ్ చరణ్, జూనియర్ ఎన్టీఆర్ హీరోలుగా రూపొందుతున్న ఆర్ ఆర్ ఆర్ చిత్రం క్లైమాక్స్ చిత్రీకరణ జరుపుకుంటుంది. అటు చిత్రీకరణ జరుగుతుండగానే అభిమానుల కోసం ప్రకటన చేసేసారు. ఇప్పటి నుండి సినిమా రిలీజ్ అయ్యే వరకు ఎప్పటికప్పుడు అప్డేట్లతో ప్రేక్షకులని అలరిస్తూనే ఉంటారట. బాహుబలి ద్వారా కొత్త శకం ప్రారంభించిన రాజమౌళి, ఆర్ ఆర్ ఆర్ ద్వారా ఎన్ని రికార్డులు తన ఖాతాలో వేసుకుంటాడోనని అందరూ ఆసక్తిగా ఉన్నారు. డీవీవీ దానయ్య నిర్మిస్తున్న ఈ చిత్రానికి కీరవాణి సంగీతం అందిస్తున్నారు.